उपोषणकर्त्यांची मागणी
उपोषणाचा १० वा दिवस
नाशिक / प्रतिनिधी:
सार्वजनिक बांधकाम (उत्तर) विभाग नाशिक येथे कार्यरत कार्यकारी अभियंता राहुल के.पाटील तसेच त्यांच्या अखत्यारीत येणारे उपविभागीय अभियंता १) एस.ए पवार, २) यू.पी कुमावत, ३) व्ही.पी. बाविस्कर, ४) यु.एल देसले, ५) एच.ए.पाटील, ६) जे.एम वाघ तसेच शाखा अभियंता १) व्ही. व्ही.घुगे, २)डी.एस. साळी, ३) एम. एच. जाधव, ४) आर आर सावंत व इतर यांच्या नियंत्रणाखाली आदिवासी घटक कार्यक्रमांतर्गत कोट्यावधी रुपयाची कामे करण्यात आलेली आहे, या कार्यक्रमांतर्गत रस्त्याची देखभाल दुरुस्तीची कामे, शासकीय इमारतींची देखभाल दुरुस्ती,आदिवासी पाड्यांपर्यंत पोहोच रस्ते तयार करणे, इत्यादी कामे करण्यासाठी महाराष्ट्र शासनाकडून कोट्यावधी रुपयाचा निधी सार्वजनिक बांधकाम मंडळ नाशिक या कार्यालयाकडे प्राप्त झालेला आहे.
सार्वजनिक बांधकाम मंडळ नाशिक या कार्यालयाच्या अधिपत्याखाली सार्वजनिक बांधकाम (उत्तर) विभाग नाशिक कार्यरत असून या विभागीय कार्यालयांतर्गत करण्यात आलेल्या विकासकामांचे कागदपत्रे पूर्ण दाखवलेल्या विकास कामांत मोठ्या प्रमाणात गैरप्रकार आणी गैरकारभार झालेला आहे, या विभागामार्फत केलेल्या प्रत्येक विकासकामांत संबंधित अधिकारी आणि ठेकेदार यांच्या संगनमताने झालेल्या गैरकारभाराची सखोल चौकशी केल्यास प्रचंड प्रमाणात झालेला भ्रष्टाचार प्रथमदर्शनीच बाहेर येईल, करीता सदरील प्रकरणी सखोल चौकशी करून दोषी आढळणाऱ्या संबधित अभियंत्यांचे त्वरित निलंबित करण्यात यावे या मागणीसाठी दिनांक २०/०८/२०२४ पासून सार्वजनिक बांधकाम प्रादेशिक विभाग नाशिक या कार्यालयासमोर बेमुदत उपोषणास सुरुवात करण्यात आली आहे, या उपोषणाचे प्रमुख मार्गदर्शक ज्येष्ठ माहिती अधिकार कार्यकर्ते अनंत पटेकर हे असून या उपोषणात सूर्यकांत भालेराव नाशिक,गणेश पवार राहुरी, संदीप पवार अहमदनगर, मुकेश शिरसाठ कल्याण, अभिषेक सोनवणे घाटकोपर श्रीमती लीना अहिर मुंबई सचिन जाधव,प्रमोद वाघमारे भरत जाधव रवींद्र पाटील तसेच असंख्य अन्य महिला कार्यकर्त्या इत्यादी सहभागी झालेले आहेत,जोपर्यंत सदरील प्रकरणी चौकशी होऊन भ्रष्टाचारी अधिकाऱ्यांचे निलंबन होत नाही तोपर्यंत उपोषण सुरूच राहणार असल्याचे अनंत पटेकर यांनी सांगितले आहे.
*संकलन
समता न्यूज सर्व्हिसेस, श्रीरामपूर - ९५६११७४१११
