जळगाव (प्रतिनिधी) – जिल्ह्यातील अवैध धंद्यांवर आळा घालण्यासाठी पोलिस अधीक्षक डॉ. महेश्वर रेड्डी यांच्या आदेशानुसार रामानंदनगर पोलीस ठाणे हद्दीतील हरीविठ्ठल नगर परिसरात पत्याच्या अड्ड्यावर छापा टाकण्यात आला.
दिनांक ८ ऑगस्ट रोजी रात्री १०.१५ वाजता पोलीस उपनिरीक्षक शरद बागल यांच्या नेतृत्वाखालील पथकाने ही कारवाई केली. यात ९ आरोपींना अटक करण्यात आली असून, रोख रक्कम, मोटारसायकली, मोबाईल आदींसह एकूण ₹३,१४,३४० किमतीचा मुद्देमाल जप्त करण्यात आला आहे.
आरोपींवर जुगार प्रतिबंधक कायदा १८८७ कलम १२(अ) अंतर्गत गुन्हा दाखल असून पुढील तपास रामानंदनगर पोलीस करत आहेत.
ही कारवाई अपर पोलीस अधीक्षक अशोक नखाते, उपविभागीय पोलीस अधिकारी संदीप गावीत आणि वरिष्ठ पोलीस निरीक्षक संदीप पाटील यांच्या मार्गदर्शनाखाली करण्यात आली. पथकात पोहवा अकरम शेख, विजय पाटील, नितीन बावीस्कर, प्रविण भालेराव, मुरलीधर धनगर, पोना किशोर पाटील आणि पोशि रविंद्र कापडणे यांचा समावेश होता.
