शिर्डी प्रतिनिधी : (संजय महाजन)
सामाजिक बातमी
गेल्या २९ वर्षांची परंपरा असलेल्या साई संस्थान एम्प्लॉइज क्रेडिट को ऑपरेटिव्ह सोसायटीच्या गणरायाची आरती महामंडलेश्वर काशिकानंद महाराज,श्री साईबाबा संस्थानचे मुख्य कार्यकारी अधिकारी गोरक्ष गाडीलकर,शिर्डी नगरपरिषदेचे मुख्याधिकारी सतीश दिघे,शिवसेना जिल्हाप्रमुख कमलाकर कोते,माजी उपनगराध्यक्ष विजयराव जगताप,माजी नगरसेवक नितीन शेळके,माजी उपनगराध्यक्ष हरिश्चंद्र कोते,माजी उपनगराध्यक्ष मंगेश त्रिभुवन,राष्ट्रवादी काँग्रेसचे तालुकाध्यक्ष संदीप सोनवणे,भाजपचे माजी जिल्हा उपाध्यक्ष अशोक पवार,मोहनराव कोते,काँग्रेस शहराध्यक्ष सचिन चौगुले,प्रतिष्ठित व्यापारी किशोर गंगवाल यांसह मान्यवरांच्या हस्ते संपन्न झाली
यावेळी संस्थेच्या वतीने उपस्थित मान्यवरांचा श्री साईबाबांची शाल देत सत्कार करण्यात आला
याप्रसंगी चेअरमन विठ्ठल पवार आणि संचालक मंडळाचे विशेष कौतुक करत साई संस्थान एम्प्लॉइज सोसायटीला दीपस्तंभ पुरस्कार प्रदान करण्यात येणार असल्याने तसेच राज्यातील पाच को ऑपरेटिव्ह सोसायटीच्या कर्तृत्ववान चेअरमन मधे बेस्ट चेअरमन म्हणून पहिली निवड ही साई संस्थान सोसायटीचे चेअरमन विठ्ठल पवार यांची झाल्याने महंत काशिकानंद महाराज,मुख्य कार्यकारी अधिकारी गोरक्ष गाडीलकर,मुख्याधिकारी सतीश दिघे यांच्यासह उपस्थित मान्यवरांच्या हस्ते चेअरमन विठ्ठल पवार यांचा सत्कार करत त्यांना शुभेछा देण्यात आल्या.
यावेळी महंत काशिकानंद महाराज,मुख्य कार्यकारी अधिकारी,कमलाकर कोते,विजयराव जगताप,सचिन चौगुले,मंगेश त्रिभुवन,किशोर गंगवाल यांनी आपली मनोगते व्यक्त करतांना साई संस्थान एम्प्लॉइज सोसायटीचे कार्य चेअरमन विठ्ठल पवारांच्या नेतृत्वात अतिशय पारदर्शी सुरू असून उत्तरोत्तर संस्थेची अशीच प्रगती होवो अशी गणपती बाप्पा चरणी प्रार्थना केली तर मुख्य कार्यकारी अधिकारी यांनी संस्थेला आणि चेअरमन विठ्ठल पवार यांना जाहीर झालेला पुरस्कार हा त्यांच्या प्रामाणिक आणि पारदर्शी कारभाराची पावती असून ही संस्था आपल्या कामगारांची आहे याचा मोठा अभिमान असल्याचे म्हटले तसेच विजयराव जगताप यांनी विठ्ठल पवार यांना विनंती करत संस्थेच्या सभासदांच्या बरोबरीने ५९८ कर्मचारी तसेच संस्थेचे कामगार यांना देखील दिवाळी भेट मिळावी अशी विनंती केली तर कमलाकर कोते यांनी चेअरमन विठ्ठल पवारांच्या कार्याच विशेष कौतुक करत शुभेच्छा दिल्या.
यावेळी व्हॉइस चेअरमन पोपटराव कोते, संचालक रामा गागरे मिलिंद दुनबळे रवींद्र गायकवाड तुळशीराम पवार देविदास जगताप सचिव विलास वाणी विजय शिंदे नवनाथ थोरे रमेश वाघे सुनील चिकणे राजेंद्र खर्डे मंगेश कुलकर्णी देविदास आसने ज्ञानेश्वर तुरकणे दिलीप सुपेकर भगवानराव थोरात व पत्रकार संजय महाजन आदी कर्मचारी बांधव मोठ्या संख्येने उपस्थित होते.
