एक क्रांतीकारक रणघोष गीत
जागा हो रे वडार बांधवा, जागा हो रे बांधवा..!
रक्त सळसळे छातीमध्ये, जळो उपेक्षेचा डोंगर आता..!
दगडांच्या रक्तातून उसळली ज्वाला,
ही क्रांतीची गर्जना — हादरलं पाहिजे सत्ताधारा आता..!
जागा हो रे वडार बांधवा, जागा हो रे बांधवा..! 🎵
🔥 कडवं १:
ज्यांच्या हातांनी गड बांधले, बुरूज उभे केले,
धरणं, रस्ते, पूल, बोगदे जगात पसरवले,
त्याच हातांना का मिळाली बेड्या, गुन्हेगाराची ओळख,
त्याच पावलांना का मिळालं गावकुसाबाहेरचं घरकुल?
पाच वर्षं स्वातंत्र्यानंतरही स्वातंत्र्य नाही,
आजही लाखो जीव कागदावर नाही,
आधारकार्ड, रेशन कार्डं, घरं स्वप्नातच राहिली,
नियतीनेच आमची मजुरी विकत घेतली!
जागा हो रे वडार बांधवा, जागा हो रे बांधवा..!
रक्त सळसळे छातीमध्ये, जळो उपेक्षेचा डोंगर आता..!
दगडांच्या रक्तातून उसळली ज्वाला,
ही क्रांतीची गर्जना — हादरलं पाहिजे सत्ताधारा आता..! 🎵
🔥 कडवं २:
शिवरायांचे किल्ले आम्ही बांधले,
गडाच्या प्रत्येक दगडात घाम सांडला,
स्वातंत्र्ययुद्धात शत्रूला थरारवून सोडलं,
पण स्वातंत्र्यानंतर उपेक्षा मिळाली!
पंडित नेहरूंनी सोलापूरात ५२ साली जाहीर केलं,
वडारांना गुन्हेगार जातीतून विमुक्त ठरवलं,
पण पिढ्यान्पिढ्या अज्ञानात ठेवून,
सत्ताधाऱ्यांनी स्वप्नचं चिरडलं!
जागा हो रे वडार बांधवा, जागा हो रे बांधवा..!
रक्त सळसळे छातीमध्ये, जळो उपेक्षेचा डोंगर आता..!
दगडांच्या रक्तातून उसळली ज्वाला,
ही क्रांतीची गर्जना — हादरलं पाहिजे सत्ताधारा आता..! 🎵
🔥 कडवं ३:
८० लाख जीवांची लोकसंख्या असली,
तरी एक खासदार, आमदार नाही,
आमचं रक्त सांडून गाड्या धावल्या,
पण आमच्या रस्त्यांवर दिवा नाही!
पंढरपूरच्या रथाला ओढणारा समाज,
देवांची मूर्ती घडवणारा हा समाज,
आजही पोटासाठी मजुरी करतो,
छातीतील आक्रोश कधी बाहेर पडतो?
जागा हो रे वडार बांधवा, जागा हो रे बांधवा..!
रक्त सळसळे छातीमध्ये, जळो उपेक्षेचा डोंगर आता..!
दगडांच्या रक्तातून उसळली ज्वाला,
ही क्रांतीची गर्जना — हादरलं पाहिजे सत्ताधारा आता..! 🎵
🔥 कडवं ४ (ज्वाला):
भूक, दारिद्र्य, अन्यायाची रात्र पुरे,
आता आमची उभी आहे रणरात्र रे!
नेते, पुढारी, सगळे एक व्हा,
पुढील पिढीसाठी रणशिंग फुंका!
ही वेळ गेली तर आयुष्यभर गुलामी,
आता उठलं पाहिजे रक्तामधलं वादळ थेट,
आज मिळवू हक्क, आज पेटवू क्रांती,
नाहीतर पिढ्या पिढ्या रडतील हात चोळीत!
जागा हो रे वडार बांधवा..!
आज रणशिंग वाजतंय, पेटून उठा..!
आता नाही थांबायचं, ज्वालामुखी उसळला,
सरकार हादरलं पाहिजे आता..!
सरकार हादरलं पाहिजे आता..!
जागा हो रे वडार बांधवा..! 🎵
कवी रमेश जेठे सर
अहिल्यानगर
