'फक्त महिलांसाठी खास...' शिर्डीत सुरू होतेय 'एस.एस. योगा क्लासेस'; राजकीय व सामाजिक क्षेत्रातील दिग्गजांच्या उपस्थितीत रंगणार उद्घाटन सोहळा
नगर प्रतिनिधी: ( तुषार महाजन )
आधुनिक धावपळीच्या जीवनशैलीत आणि कौटुंबिक जबाबदाऱ्या पेलताना महिलांच्या शारीरिक व मानसिक आरोग्याकडे अनेकदा दुर्लक्ष होते. मात्र, महिलांचे आरोग्य हीच खऱ्या अर्थाने सशक्त समाजाची ओळख असते. याच विचाराला चालना देत आणि गुढीपाडव्याच्या अत्यंत मंगलमय मुहूर्तावर शिर्डीतील महिलांसाठी एक खास भेट देण्यात येणार आहे. महिलांच्या सर्वांगीण आरोग्यासाठी आणि फिटनेससाठी 'एस.एस. योगा क्लासेस'चा भव्य शुभारंभ उद्या, गुरुवार, दि. १९ मार्च २०२६ रोजी शिर्डीत संपन्न होत आहे.
हा उद्घाटन सोहळा शिर्डीतील राजकीय आणि सामाजिक क्षेत्रातील अनेक दिग्गजांच्या मांदियाळीत पार पडणार आहे. कार्यक्रमाचे बहुमान्य उद्घाटन अहिल्यानगर जिल्हा परिषदेच्या माजी अध्यक्षा मा. सौ. शालिनीताई विखे पाटील आणि लोणी येथील रणरागिणी महिला मंडळाच्या अध्यक्षा मा. सौ. धनश्रीताई विखे पाटील यांच्या शुभहस्ते संपन्न होणार आहे. तसेच, या दिमाखदार सोहळ्याला शिर्डी नगरपरिषदेच्या विद्यमान नगराध्यक्षा मा. सौ. जयश्रीताई विष्णू थोरात आणि माजी नगराध्यक्षा मा. सौ. योगिताताई शेळके पाटील यांची प्रमुख उपस्थिती लाभणार आहे. महिला नेतृत्वाच्या उपस्थितीतच एका महिला केंद्रित उपक्रमाचा श्रीगणेशा होत असल्याने या कार्यक्रमाला विशेष महत्त्व प्राप्त झाले आहे.
हा स्तुत्य उपक्रम 'समस्त गोंदकर पाटील परिवारा'च्या वतीने आयोजित करण्यात आला आहे. शिर्डी नगरपरिषदेच्या नगरसेविका तथा महिला व बालकल्याण समितीच्या सभापती सौ. सुनीताताई वसंत गोंदकर पाटील, तज्ज्ञ योगा शिक्षिका सौ. पूजा सुनील गोंदकर पाटील आणि सौ. स्वाती संतोष गोंदकर पाटील यांच्या पुढाकारातून आणि संकल्पनेतून 'फक्त महिलांसाठी खास' या योगा क्लासची निर्मिती करण्यात आली आहे.
कार्यक्रमाचे स्थळ आणि वेळ:
हा भव्य शुभारंभ सोहळा गुरुवार, १९ मार्च २०२६ रोजी सायंकाळी ठीक ५.०० वाजता 'हॉटेल साई सखा शेजारी, एच.पी. गॅस समोर, माऊली नगर रोड, शिर्डी (ता. राहाता, जि. अहिल्यानगर)' येथे आयोजित करण्यात आला आहे.
योगासने आणि प्राणायाम केवळ शारीरिक नाही तर मानसिक शांतता मिळवण्यासाठीही अत्यंत प्रभावी ठरतात. 'एस.एस. योगा क्लासेस'च्या माध्यमातून शिर्डीतील महिलांना तंदुरुस्त, ऊर्जावान आणि तणावमुक्त राहण्यासाठी एक हक्काचे आणि सुरक्षित व्यासपीठ उपलब्ध होणार आहे.
नववर्षाच्या (गुढीपाडवा) या शुभदिनी सुरू होणाऱ्या या आरोग्यदायी चळवळीचा भाग होण्यासाठी शिर्डी आणि परिसरातील सर्व महिलांनी या शुभारंभ समारंभास मोठ्या संख्येने उपस्थित राहावे, असे नम्र आवाहन समस्त गोंदकर पाटील परिवाराच्या वतीने करण्यात आले आहे.
