शिष्यवृत्ती परीक्षेत एल. जी. बनसुडे इंग्लिश मीडियम स्कूल & ज्युनिअर कॉलेज, पळसदेवच्या विद्यार्थ्यांचे घवघवीत यश
पळसदेव (ता. इंदापूर) : येथील गीता शिक्षण प्रसारक मंडळ संचलित एल. जी. बनसुडे इंग्लिश मीडियम स्कूल & ज्युनिअर कॉलेज, पळसदेव येथील विद्यार्थ्यांनी शैक्षणिक वर्ष २०२५-२६ मध्ये घेण्यात आलेल्या शिष्यवृत्ती परीक्षेत घवघवीत यश संपादन केले. इयत्ता ४ थी, ५ वी, ७ वी व ८ वीतील एकूण ३१ विद्यार्थी शिष्यवृत्ती परीक्षेस पात्र ठरले असून, ही विद्यालयासाठी अभिमानाची बाब आहे.
शिष्यवृत्ती परीक्षा विद्यार्थ्यांच्या बौद्धिक क्षमतेला चालना देण्याबरोबरच त्यांच्यामध्ये आत्मविश्वास, स्मरणशक्ती, तर्कशक्ती आणि निर्णयक्षमता विकसित करण्यास उपयुक्त ठरते. मर्यादित वेळेत प्रश्न सोडविणे, योग्य निर्णय घेणे आणि स्पर्धात्मक परीक्षांना सामोरे जाण्याची मानसिकता निर्माण करण्यासाठी शिष्यवृत्ती परीक्षा अत्यंत उपयुक्त ठरत आहे, अशी माहिती प्राचार्य श्री. संजय इंगोले व मुख्याध्यापिका सौ. सीमा बाराते यांनी दिली.
शैक्षणिक वर्ष २०२५-२६ मध्ये इयत्ता ४ थीचे १३, इयत्ता ५ वीचे ५, इयत्ता ७ वीचे ४ आणि इयत्ता ८ वीचे ९ असे एकूण ३१ विद्यार्थी शिष्यवृत्ती परीक्षेस पात्र झाले आहेत. विद्यालयाच्या या यशाबद्दल संस्थापक अध्यक्ष आदरणीय श्री. हनुमंत बनसुडे (नाना) यांनी विद्यार्थ्यांचे अभिनंदन करून त्यांना पुढील वाटचालीसाठी शुभेच्छा दिल्या.
या विद्यार्थ्यांना शिष्यवृत्ती परीक्षेसाठी मार्गदर्शन करणाऱ्या सर्व शिक्षकांचे कौतुक संस्थेच्या कार्याध्यक्षा आदरणीय सौ. नंदाताई बनसुडे (नानी) यांनी केले. विद्यार्थ्यांच्या या यशामुळे इतर विद्यार्थ्यांमध्येही स्पर्धात्मक परीक्षांविषयी उत्साह आणि नवीन उमेद निर्माण झाली आहे.
📚 शिक्षणाची प्रेरणा
“यशाची सुरुवात मोठ्या स्वप्नांपासून होते आणि त्या स्वप्नांना दिशा देण्याचे काम शिक्षण करते.”
आजची मेहनत ही उद्याच्या यशाची मजबूत पायाभरणी आहे. प्रत्येक प्रश्नामागे एक नवीन शिकण्याची संधी दडलेली असते. गुण मिळवणे महत्त्वाचे आहेच, पण त्यापेक्षा ज्ञान, जिज्ञासा आणि आत्मविश्वास वाढवणे अधिक महत्त्वाचे आहे.
स्पर्धा परीक्षांमधील प्रत्येक प्रयत्न विद्यार्थ्यांना अधिक सक्षम आणि आत्मविश्वासी बनवतो. “आज शिकलेला प्रत्येक धडा उद्याच्या उज्ज्वल भविष्याची एक पायरी आहे.” मेहनत, सातत्य, शिस्त आणि योग्य मार्गदर्शन यांच्या जोरावर कोणतेही ध्येय अशक्य नाही.
आजचे गुणवंत विद्यार्थी हेच उद्याचे जबाबदार, सुजाण आणि सक्षम नागरिक घडणार आहेत.
🏆 सन्मानित गुणवंत विद्यार्थी
इयत्ता ४ थी :
मारकड आदित्य भागवत, जगताप आरोही विनोद, आदलिंग ओनेला दिनेश, मोरे संचित सचिन, पवार ईश्वरी तात्यासो, शेलार प्रचिती प्रदीप, करडे गार्गी समाधान, जगताप शिवण्या किशोर, शिंदे शौर्य अमोल, भोसले आरुष तुषार, गायकवाड रिशिता शैलेश, बनसुडे दुर्वा हनुमंत, थोरात गौरी मनोज.
इयत्ता ५ वी :
गार्गी सचिन शेलार, अक्षरा अतुल खारतोडे, देवश्री देवानंद जगताप, आदिती भाऊसाहेब खटके, लावण्या दीपक चिंधे.
इयत्ता ७ वी :
माळवदकर प्रणवराज नवनाथ, जगताप अवंतिका प्रतापसिंह, रणसिंग प्रित सागरदेव, नगरे स्वरा आकाश.
इयत्ता ८ वी :
अनुष्का गणेश काळे, सार्थक हरिश्चंद्र कळसकर, गायत्री प्रमोद गाढवे, ईशांत उत्तम बोराटे, आकांक्षा राहुल कुंभार, अपर्णा विजय रणसिंग, ऋतुजा बळवंत बांडे.
या सर्व गुणवंत विद्यार्थ्यांचा एल. जी. बनसुडे इंग्लिश मीडियम स्कूल & ज्युनिअर कॉलेज, पळसदेव यांच्या वतीने सन्मान व सत्कार करण्यात आला.
या कार्यक्रमास संस्थापक अध्यक्ष आदरणीय श्री. हनुमंत बनसुडे (नाना), उपाध्यक्ष डॉ. शीतलकुमार शहा, संस्थेच्या कार्याध्यक्षा आदरणीय सौ. नंदाताई बनसुडे (नानी), सचिव श्री. सूरज बनसुडे, प्राचार्य श्री. संजय इंगोले, मुख्याध्यापिका सौ. सीमा बाराते, उपमुख्याध्यापिका सौ. सुवर्णा वाघमोडे, सर्व विभागप्रमुख, शिक्षकवृंद, शिक्षकेतर कर्मचारी, पालक व विद्यार्थी मोठ्या संख्येने उपस्थित होते.
कार्यक्रमाचे सूत्रसंचालन स्पर्धा परीक्षा विभागप्रमुख सौ. चैताली लावंड यांनी केले, तर आभार शिष्यवृत्ती विभागप्रमुख सौ. तेजस्विनी तनपुरे यांनी मानले.
