एरंडोल (प्रतिनिधी) :एरंडोल येथील गोपी गोल्ड इंग्लिश मीडियम स्कूलच्या विद्यार्थ्यांनी विविध क्रीडा स्पर्धांमध्ये आपले कौशल्य दाखवत तालुकास्तरावर उत्तुंग यश संपादन केले असून, आता त्यांची जिल्हास्तरीय स्पर्धेसाठी निवड झाली आहे. शाळेतील विद्यार्थ्यांच्या या यशामुळे संपूर्ण परिसरात आनंदाचे वातावरण पसरले आहे.
🏆 निशाणाबाजीत विजय...
फलक सिद्धेश महाजन या विद्यार्थिनीने तालुकास्तरीय निशाणाबाजीत प्रथम क्रमांक मिळवून थेट जिल्हास्तरावर आपले स्थान पक्के केले.
♟️ बुद्धिबळात चमकदार कामगिरी..
पारुल अभय परदेशी, गौरी विशाल परदेशी व मोहित संजय महाले या तीनही विद्यार्थ्यांनी बुद्धिबळ स्पर्धेत तालुक्यात विजयी ठरत जिल्हास्तरावर प्रवेश मिळवला.
🤾 रिंगटेनी क्वाईट स्पर्धेत यश...
कनिष्का, दीप्ती, गौरी, वैष्णवी, श्रावणी, आराध्या या १४ वर्षाखालील विद्यार्थिनींनी रिंगटेनी क्वाईट स्पर्धेत उत्कृष्ट कामगिरी करत जिल्हास्तरीय स्पर्धेत प्रवेश मिळवला. तर प्रसाद, ओम, यश, प्रथमेश आणि नैतिक या मुलांनीही या स्पर्धेत आपले वर्चस्व दाखवत जिल्हास्तरीय पातळीवर निवड मिळवली.
🏐 व्हॉलीबॉल व बॅडमिंटनमध्येही यशस्वी कामगिरी...
मुलांच्या तसेच मुलींच्या व्हॉलीबॉल संघाने तालुकास्तरीय स्पर्धेत द्वितीय क्रमांक, तर बॅडमिंटन स्पर्धेत देखील द्वितीय क्रमांक मिळवून शाळेच्या क्रीडा कामगिरीत भर टाकली आहे.
✨ शाळेचा सातत्यपूर्ण प्रयत्न फळाला...
संस्था अध्यक्ष सचिन विसपुते यांनी विद्यार्थ्यांच्या यशाबद्दल समाधान व्यक्त करताना सांगितले की, "विद्यार्थ्यांना क्रीडा क्षेत्रात प्रोत्साहन देण्यासाठी शाळेने नेहमीच सातत्यपूर्ण प्रयत्न केले आहेत. आजच्या या यशामागे विद्यार्थ्यांची मेहनत, पालकांचे सहकार्य व शिक्षकांचे मार्गदर्शन महत्त्वाचे आहे."
🎉 अभिनंदनाचा वर्षाव...
या यशाबद्दल ग्रामीण उन्नती शाळेच्या मुख्याध्यापिका अंजुषा विसपुते, प्राचार्य सुनील ठाकरे, क्रीडाशिक्षक रोहित सपकाळे यांच्यासह सर्व शिक्षक-शिक्षिका व पालकांनी विद्यार्थ्यांचे मनःपूर्वक अभिनंदन केले असून जिल्हास्तरीय स्पर्धेसाठी शुभेच्छा दिल्या आहेत.
