एरंडोल तालुक्यात छत्रपती शिवाजी महाराज महाराजस्व अभियान राष्ट्रनेता ते राष्ट्रपिता महसुल सेवा पंधरवाडा अभियानांतर्गत महसुल, आरोग्य व इतर विभागांचे विविध कार्यक्रम जळगांव लोकसभेच्या खासदार मा.स्मिताताई पाटील, आमदार मा.अमोलदादा पाटील यांच्या प्रमुख उपस्थितीत पार पडले.
या कार्यक्रमास जिल्हा परिषदेच्या मुख्य कार्यकारी अधिकारी मीनल करनवाल, जिल्हा व तालुक्यातील पदाधिकारी, जनप्रतिनिधी, अधिकारी व नागरिकांची उपस्थिती लाभली. यावेळी पेड माँ के नाम वृक्षारोपण, आरोग्य शिबिर उद्घाटन, आयुष्यमान भारत कार्ड व घरकुल चावी वाटप, कृषी व अन्य विभागांच्या योजनांचे लाभ प्रमाणपत्र वाटप, दिव्यांगांना ई-सायकल वाटप, तसेच उत्कृष्ट घरकुल बांधकामासाठी ग्रामपंचायतींना गौरव करण्यात आला.
कार्यक्रमाद्वारे विविध शासकीय योजनांचे लाभ थेट लाभार्थ्यांपर्यंत पोहोचविण्यात आले असल्याचे उपस्थित मान्यवरांनी नमूद केले.
