श्रीरामपूर:
नव स्वराज्य सेनेच्यावतीने राजमाता जिजाऊ साहेब भोसले व स्वामी विवेकानंद यांची जयंती संयुक्तरित्या उत्साहात साजरी करण्यात आली. यावेळी नव स्वराज्य सेनेचे राष्ट्रीय अध्यक्ष विजयराव खाजेकर यांनी उपस्थितांना मार्गदर्शन करताना राजमाता जिजाऊ यांनी शिवरायांच्या रूपाने आदर्श नेतृत्व घडवले, तर स्वामी विवेकानंद यांनी तरुणांमध्ये राष्ट्रभक्ती, आत्मविश्वास व चारित्र्यनिर्मितीचा संदेश दिला, असे प्रतिपादन केले.
कार्यक्रमास तालुका उपाध्यक्ष डॉ. अशोक शेळके, विभाग अध्यक्ष इम्रान कुरेशी, ता. संघटक सचिव अंतोन भरपूरे, प्रदेश संपर्कप्रमुख भाऊसाहेब खरात, ता. संपर्कप्रमुख तय्यब पठाण, सविताताई रणदिवे, समीना शेख, डॉ. पंडितराव पगारे, अनिल सावंत, अशोक बोबडे यांच्यासह नव स्वराज्य सेनेचे अनेक कार्यकर्ते व पदाधिकारी उपस्थित होते.
यावेळी राजमाता जिजाऊ व स्वामी विवेकानंद यांच्या प्रतिमेस पुष्पहार अर्पण करून अभिवादन करण्यात आले. कार्यक्रम यशस्वी होण्यासाठी पदाधिकारी व कार्यकर्त्यांनी परिश्रम घेतले.
