निःस्वार्थ समाजसेवेचा वसा जपणारे नानासाहेब शिंदे पाटील यांना वाढदिवसाच्या मनःपूर्वक शुभेच्छा!
साईबाबांच्या पावन भूमीत, शिर्डी शहरात अनेक जण समाजसेवेचे व्रत घेऊन काम करत आहेत. त्यापैकी एक अग्रगण्य, सर्वसामान्यांच्या मदतीला कायम धावून जाणारे आणि सामाजिक बांधिलकी जपणारे व्यक्तिमत्व म्हणजे युवा नेते श्री. नानासाहेब (काकासाहेब) शिंदे पाटील. अतिशय कमी वेळेत केवळ आपल्या निस्वार्थ सामाजिक कामाच्या जोरावर त्यांनी शिर्डीकरांच्या हृदयात एक अढळ स्थान निर्माण केले आहे. आज त्यांच्या वाढदिवसानिमित्त त्यांच्या या प्रेरणादायी प्रवासावर टाकलेला हा एक दृष्टिक्षेप.
समाजात वावरत असताना केवळ स्वतःचा विचार न करता, समाजाचे आपण काही देणे लागतो या उदात्त भावनेतून नानासाहेब शिंदे पाटील हे सतत कार्यरत असतात. त्यांच्या याच अविरत आणि निस्वार्थ सेवेची दखल घेत 'ग्रीन फाउंडेशन महाराष्ट्र राज्य' या नामांकित सामाजिक संस्थेने त्यांना ऑक्टोबर २०२० मध्ये मानाच्या 'आदर्श समाजरत्न' पुरस्काराने सन्मानित केले आहे. यासोबतच, समाजातील त्यांच्या योगदानाचा गौरव म्हणून 'पोलीस बॉय असोसिएशन'च्या वतीने दिला जाणारा 'समाजसेवक पुरस्कार २०२१' देखील त्यांना प्रदान करण्यात आला आहे. हे पुरस्कार त्यांच्या अखंड आणि अविरत सामाजिक कार्याची पावतीच आहेत.
संपूर्ण जगावर आणि राज्यावर जेव्हा कोरोनाचे महाभयंकर संकट ओढवले होते, तेव्हा अनेकांनी घराचे दरवाजे बंद करून घेतले होते. मात्र, अशा कठीण काळात स्वतःच्या आणि कुटुंबाच्या जीवाची पर्वा न करता नानासाहेब शिंदे पाटील हे लोकांच्या मदतीसाठी रस्त्यावर उतरले. रुग्णांना मदत करणे, गरजूंना आधार देणे यासाठी त्यांनी अहोरात्र कष्ट घेतले. त्यांच्या या अतुलनीय आणि धाडसी योगदानाची दखल घेऊन 'स्टार वेल्फेअर फाउंडेशन, ठाणे' आणि 'मानव सेवा प्रतिष्ठान, महाराष्ट्र राज्य' यांच्या वतीने त्यांना 'कोरोना योद्धा' सन्मान देऊन गौरविण्यात आले आहे.
दुसऱ्याला मदत करण्यासाठी मध्यरात्रीही तत्पर असणारा कार्यकर्ता अशी त्यांची संपूर्ण शिर्डीत ओळख आहे. समाजातील तळागाळातील लोकांचे प्रश्न सोडवण्यासाठी ते नेहमीच अग्रेसर असतात. आपल्या स्पष्ट वक्तेपणामुळे आणि कामाच्या झपाटेपणामुळे त्यांनी सामाजिक तसेच राजकीय कार्यात आपला एक वेगळा आणि भक्कम ठसा उमटवला आहे.
शिर्डीचे हे युवा नेतृत्व असेच यशाची नवनवीन शिखरे पादाक्रांत करोत. त्यांचे हे समाजसेवेचे कार्य असेच अविरत चालू राहो आणि त्यांना निरोगी, सुखसमृद्ध आणि दीर्घायुष्य लाभो, याच युवा नेते नानासाहेब शिंदे पाटील यांना वाढदिवसाच्या हार्दिक शुभेच्छा!
✍🏻 लेखक आणि पत्रकार
तुषार संजय महाजन
