पाटणादेवी (चाळीसगांव) - गेल्या महिन्याभरात चाळीसगाव तालुक्यातील पाटणादेवी मंदीर या जंगल परिसरात मोठ्या प्रमाणात अतिवृष्टी झाली. या अतिवृष्टीमध्ये पाटणादेवी मंदिराकडे जाणारा लोखंडी पूल वाहून गेल्याने भाविकांना पाटणादेवी मंदिरात दर्शनासाठी जाणे बंद झाले होते. ही भाविकांची अडचण पाहता खासदार उन्मेशदादा पाटील यांनी वनविभाग व पुरातत्त्व विभागाकडे तातडीने पाठपुरावा करीत येणाऱ्या नवरात्रोत्सवात भाविकांची गैरसोय होऊ नये म्हणून लोखंडी पूल लागलीच तयार करण्यात यावा. अशा सूचना वजा आदेश दिले होते.
आज हा लोखंडी पूल तयार करण्यात आला असून पुन्हा भाविकांच्या सेवेत सुरू झाल्याने पाटणादेवी मातेच्या दर्शनाला जाणाऱ्या भाविकांनी आनंद व्यक्त केला असून भाविकांनी खासदार उन्मेशदादा पाटील यांना धन्यवाद दिले आहेत.
सध्या सर्वत्र नवरात्र उत्सवाची धूम असून मंदिरे दर्शनासाठी उघडण्यात आली आहेत. त्यामुळे गौताळा अभयारण्यात असलेले पाटणादेवी मंदीरात देखील सालाबादप्रमाणे लाखो भाविकांची गर्दी वाढणार होती. माञ मंदिरात जाताना लोखंडी ब्रिज अतिवृष्टी झाल्याने हा पूल वाहून गेला होता. यामुळे नवरात्र उत्सव असून देखील देवीचे दर्शन करता येत नाही.ही मोठी अडचण उत्पन्न झाली होती.यामुळे भाविकांच्या आनंदावर विरजण पडले होते. खासदार उन्मेश दादा पाटील यांनी राज्य पुरातत्त्व विभागाचे अधिकाऱ्यांकडे याबाबत तक्रार करून तातडीने हा लोखंडी ब्रिज तयार करावा. अशा सूचना दिल्या होत्या त्या अनुषंगाने गेल्या चार दिवसात रात्रंदिवस काम करून हा लोखंडी पूल तयार करण्यात आला आहे.
*खासदारांच्या सुचनेने काम मार्गी*
पाटणादेवी मंदिराकडे जाणारा लोखंडी पूल अतिवृष्टीमुळे वाहून गेला होता. याबाबत खासदार उन्मेशदादा पाटील यांनी तातडीने आमच्या विभागाचे अधिकारी यांचेशी संपर्क करून हा लोखंडी पुल तयार करावा अशा सूचना दिल्या होत्या. त्या अनुषंगाने गेल्या चार पाच दिवसात रात्रंदिवस काम करून हा लोखंडी तयार करण्यात आला असून हा आज भाविकांसाठी खुला करण्यात आला आहे ,अशी माहिती पुरातत्व विभाग औरंगाबादचे वरिष्ठ संरक्षक अभियंता राकेश शेंडे यांनी दिली आहे
भाविकांची गैरसोय दूर
पाटणादेवी मंदिरात दरवर्षी नवरात्र उत्सवात राज्यभरातून लाखो भाविक दर्शनासाठी येतात मंदिर दर्शनासाठी उघडण्यात आल्याने भाविकांची गर्दी होणार होती मात्र अतिवृष्टीमुळे लोखंडी पूल वाहून गेल्याने भाविकांना दर्शनाला जाणे शक्य नव्हते ही अडचण खासदार उन्मेशदादा पाटील यांनी तातडीने दूर केली असून आज हा लोखंडी पूल भाविकांना ये-जा करण्यासाठी खुला करण्यात आला आहे भाविकांची अडचण दूर झाल्याने उन्मेशदादा पाटील यांना धन्यवाद देतो अशी भावना *पाटणा गावाचे सरपंच नितीन पाटील (चौधरी) यांनी व्यक्त केले आहे.
