कौठळी शाळेत संविधान दिन साजरा.
इंदापूर प्रतिनिधी:आज दिनांक २६ नोव्हेंबर जि प प्राथमिक शाळा कौठळी येथे संविधान दिन मोठ्या उत्साहात पार पडला.प्रथम उपशिक्षिका आरती गायकवाड यांच्या हस्ते डॉ बाबासाहेब आंबेडकर यांच्या प्रतिमेचे पूजन करण्यात आले.नंतर संविधानाचे सामूहिक वाचन करण्यात आले.वाचना नंतर २६/११ च्या हल्ल्यात मृत्यूमुखी पडलेल्या नागरिक व शहीद झालेल्या पोलिसांना आदरांजली वाहण्यात आली.मुख्याध्यापक नंदकुमार सूर्यवंशी यांनी मुलांना मार्गदर्शन केले.
भारतीय संविधान दि. २६ नोव्हेंबर निमित्त संविधानाचा परिचय होऊन सुजाण आणि जबाबदार नागरिक होण्यासाठी संविधानातील मूलभूत हक्क व कर्तव्यांविषयी जाणीव जागृती होणे तसेच संविधानातील मुलतत्त्वांचा प्रचार व प्रसार होणे या उद्देशाने माझे_संविधान_माझा_अभिमान या उपक्रमांतर्गत विविध कार्यक्रम आयोजित करण्यात आले.त्यामध्ये रांगोळी, चित्रकला, वक्तृत्व अशा स्पर्धा घेऊन यशस्वी विद्यार्थ्यांचे कौतुक करण्यात आले.
