इंदापूर प्रतिनिधी: रयत शिक्षण संस्थेच्या सौ. कस्तुराबाई श्रीपती कदम विद्यालय व जुनिअर कॉलेजमध्ये शारदीय नवरात्र उत्सवानिमित्त पारंपारिक सणांची ओळख व्हावी म्हणून भोंडला कार्यक्रमाचे आयोजन करण्यात आले होते. विद्यार्थ्यांना आपल्या संस्कृतीची माहिती व्हावी व हा संस्कृतीचा वारसा जपला जावा हा उद्देश असे कार्यक्रम साजरे करणे मागे असतो. या कार्यक्रमात विद्यालयातील जवळपास साडेतीनशे मुलींनी सहभाग घेतला. विद्यालयाचे प्राचार्य भास्कर वाबळे व पर्यवेक्षक विजय शिंदे यांच्या हस्ते पूजन झाले. भोंडला खेळाची पारंपरिक गाणी सादर करून मुलींनी नृत्य केले. त्यानंतर मुलींनी आणलेली खिरापत ओळखण्याचा कार्यक्रम घेण्यात आला व ती खिरापत सर्वांना वाटण्यात आली.सांस्कृतिक विभागांतर्गत हा कार्यक्रम घेण्यात आला. अश्विनी भिसे, अर्चना अनारसे, रोहिणी मोहिते, संगीता गुरव, प्रिया भोंग,वर्षा नागणे, सुषमा अंदुरे,पुष्पा लोंढे या महिला शिक्षकांनी या कार्यक्रमाचे नियोजन केले.
