प्रतिनिधी : संजय वायकर
नगर : २० / नेरळ जिल्हा रायगड या ठिकाणी १४ वर्षे आतील मुले व मुलींच्या राज्यस्तरीय रग्बी स्पर्धा आयोजित करण्यात आली होती .त्यामध्ये अहमदनगर जिल्हा संघाने चांगली कामगिरी केली . त्यातून अहमदनगर संघाचा उत्तम कांजरा या खेळाडूची राष्ट्रीय स्पर्धेच्या सराव शिबीरा साठी निवड झाली होती .
सदर शिबिरामध्ये महाराष्ट्रातून २४ खेळाडू शिबिरा करिता निवडले होते . त्या मधून १२ खेळाडूंची राष्ट्रीय स्पर्धेकरिता निवड झाली यात अहमदनगर जिल्ह्याचा खेळाडू उत्तम कांजरा याचा समावेश आहे . तो आत्मामालिक क्रीडासंकुल कोपरगाव चा विद्यार्थी आहे . २१ व २२ डिसेंबरला अहमदाबाद या ठिकाणी राष्ट्रीय स्पर्धा आयोजित करण्यात आली आहे .
उत्तमला पुढील स्पर्धेकरिता शुभेच्छा देण्यात आल्या . आत्मा मालिक शैक्षणिक व क्रीडा संकुल ट्रस्ट चे अध्यक्ष मा . नंदकुमार सूर्यवंशी सर रग्बी असोसिएशन ऑफ अहमदनगर चे अध्यक्ष श्री श्रीनिवास बच्चा, सचिव विवेक सूर्यवंशी, शेख युसुफ, प्रदीप पाटोळे, अहमदनगर जिल्हा प्रशिक्षक सुनील चौधरी व सर्व क्रीडा शिक्षक यांनी शुभेच्छा दिल्या.
