*श्रीरामपूर प्रतिनिधी:
ग्रामीण भागातील विद्यार्थ्यांमध्ये गुणवत्ता असूनही न्यूनगंडामुळे प्रगती होत नाही. आत्मविश्वास असेल व मेहनत करण्याची तयारी असेल तर देशातच नव्हे तर परदेशातही विविध संधी उपलब्ध आहे. धाडस व स्वकतृत्वावर विश्वास असेल तर हमखास यश मिळते, असे प्रतिपादन माजी आ.भानुदास मुरकुटे यांनी केले.
श्रीरामपूर येथील रहिवाशी व सध्या आॕस्टेलियातील सिडनीस्थित टोयाटो कंपनीचे टेक्निशियन पदावर कार्यरत असलेले सिताराम आप्पासाहेब लबडे यांचा अशोकनगर येथे अशोक शैक्षणिक संकुलाचे वतीने सत्कार करण्यात आला. त्याप्रसंगी श्री.मुरकुटे बोलत होते. यावेळी शिक्षण संस्थेचे सचिव भास्कर खंडागळे, कार्यकारी अधिकारी तथा कारखाना संचालिका सौ.मंजुश्रीताई मुरकुटे, अशोक महाविद्यालयाच्या प्राचार्य सौ.सुनिताताई गायकवाड, प्राचार्य अंजाबापू शिंदे, प्राचार्य प्रसाद कोते, प्राचार्य रईस शेख आदी उपस्थित होते.
श्री.मुरकुटे म्हणाले की, श्री.लबडे यांनी आय.टी.आय. केले. त्यानी काही काळ भारतात नोकरी केल्यावर ते आॕस्ट्रेलियात गेले. आज ते नामांकीत कंपनीत उच्च पदावर कार्यरत आहेत. जिद्द,आत्मविश्वास व मेहनतीची तयारी असेल तर यशस्वी होता येते हे श्री.लबडे यांनी कृतीतून दाखविले आहे. त्यांचेपासून विद्यार्थ्यांना प्रेरणा मिळावी या हेतूने त्यांना निमंञित केल्याचे श्री.मुरकुटे म्हणाले. यावेळी श्री.लबडे यांचा माजी आ.मुरकुटे यांचे हस्ते सत्कार करण्यात आला. कार्यक्रमाचे सूत्रसंचालन प्रा.ए.आर.कडू यांनी केले. यावेळी अध्यापक तसेच विद्यार्थी उपस्थित होते.
*इम्रान एस.शेख
( *सहयोगी: स्वाभिमानी संपादक सेवा संघ)
*संकलन:
समता न्यूज नेटवर्क,श्रीरामपूर - 9561174111
