आंतरराष्ट्रीय महिला दिनानिमित्ताने..
निश्चयाचे बळ, कल्पकतेचे माहेर
संस्कार सागर, स्त्री शक्ती...१
नजरेत धाक, सूचक भेदक
मायेचा तो स्त्रोत, स्त्री शक्ती...२
कन्यारूपी सुख, बहिणीची माया
आईचे मांगल्य, स्त्री शक्ती...३
अर्धांगीचे रूप, वंश शिल्पकार
घडविते वारस, स्त्री शक्ती...४
मृदल रजई, जैसी मायेची पाखर
तरीही करारी, स्त्री शक्ती...५
विचारांचा वसा, सल्लाही अचूक
रोकडा उपदेश, स्त्री शक्ती...६
गुरु आहे तीच, वेसणही तीच
दाखविते मार्ग, स्त्री शक्ती...७
आदीमाया शक्ती, भक्तीचेही रूप
जपते वात्सल्य, स्त्री शक्ती...८
स्त्रियांचे हे गुण, विश्ववंदनीय
साठवावे हृदयांत, चंदू म्हणे...९
पुण्यरत्न डॉ. चंद्रकांत शहासने , पुणे, मोबाईल : ९८८१३७३५८५
