श्रीरामपूर / प्रतिनिधी:
येथील स्व.रावसाहेब शिंदे प्रतिष्ठान संचलित विद्यानिकेतन इंग्लिश मिडीयम स्कूल,स्टेट बोर्डमध्ये श्रीकृष्ण जन्माष्टमीनिमित्त दहीहंडी उत्सवाचे आयोजन करण्यात आले होते. कार्यक्रमात इ.पहिली ते पाचवीतील विद्यार्थी सहभागी झाले होते. प्रसंगी विद्यालयाचे प्राचार्य विनोद रोहमारे यांनी श्रीकृष्ण प्रतिमेस पुष्पहार अर्पण करून जन्माष्टमीचे महत्व विशद केले.
दरम्यान इ. दुसरी व तिसरीतील विद्यार्थ्यांनी गवळण सादर केली. तर इ. दुसरीतील विद्यार्थ्यांनी श्रीकृष्ण जन्मपर नाटिका सादर करून उपस्थितांची मने जिंकली. तसेच संगीत शिक्षक दिपक वाघ यांनी कृष्णलिलेवर आधारित गीत गायन सादर केले. यावेळी इ.नववी व दहावीतील विद्यार्थ्यांनी थरावर थर चढवत 'गोविंदा आला रे आला' या गीतावर फेर धरत दहीहंडी फोडली. कार्यक्रम यशस्वीतेसाठी सहशिक्षिका ज्योती खंडागळे, सुप्रिया बाबरस, शुभांगी चौधरी, कोमल पारखे, राजश्री तासकर, इम्रान सय्यद, अजय आव्हाड, मयूर जाधव यांनी कठोर परिश्रम घेतले.
यावेळी विद्यालयाचे चेअरमन माजी प्राचार्य टी.ई. शेळके, व्हा.चेअरमन डॉ. प्रेरणाताई शिंदे, खजिनदार डॉ. राजीव शिंदे, प्राचार्य विनोद रोहमारे, उपप्राचार्या भारती कुदळे, समन्वयक मंगेश साळुंके, मनिषा उंडे तसेच शिक्षक व शिक्षकेतर कर्मचारी उपस्थित होते. प्रास्ताविक, सूत्रसंचालन कु.ध्रुवी जोलापरा व कु.स्वरा परदेशी यांनी केले, तर आभार ज्योती खंडागळे यांनी मानले.
*वृत्त विशेष सहयोग
शंकर बाहूले (सर)
*संकलन*
समता न्यूज सर्व्हिसेस, श्रीरामपूर - ९५६११७४१११
