श्रीरामपूर / प्रतिनिधी: श्रीरामपूर तालुक्यातील वडाळा महादेव येथील कवी, गीतकार बाबासाहेब पवार यांची शिवस्वराज्य बहुउद्देशीय संस्थेच्या वतीने श्री क्षेत्र देवगड येथे रविवार दिनांक ११ ऑगस्ट २०२४ रोजी होणाऱ्या राज्यस्तरीय कवी संमेलनाच्या अध्यक्षपदी संस्थेचे अध्यक्ष संजय वाघमारे यांनी सर्वानुमते निवड केली असल्याची माहिती पत्राद्वारे दिली आहे.
कवी बाबासाहेब पवार यांच्या आकाशवाणी केंद्रावर कवितांचे,गीतांचे मुलाखती असे अनेक कार्यक्रम प्रसारित झालेले आहेत, त्यांचे 'साजं' व 'ती' हे कवितासंग्रह प्रकाशित आहेत,यूट्यूब चॅनलवर त्यांची अनेक गीते प्रकाशित आहेत, त्यांच्या या निवडीबद्दल सामाजिक, सांस्कृतिक,साहित्यिक क्षेत्रासह अनेकांनी त्यांचे अभिनंदन केले आहे.
संकलन - समता न्यूज सर्व्हिसेस,श्रीरामपूर - ९५६११७४१११
