एरंडोल:शास्त्री फाउंडेशन संचलित शास्त्री इन्स्टिट्यूट ऑफ फार्मस,पळासदड ता.एरंडोल येथे दिनांक 27 डिसेंबर रोजी इंडक्शन कार्यक्रम मोठ्या उत्साहात संपन्न झाला. या कार्यक्रमाचे उद्घाटन महाविद्यालयाचे अध्यक्ष डॉ.विजय शास्त्री आणि सचिव रूपा शास्त्री यांच्या हस्ते करण्यात आले.
विद्यार्थ्यांचे स्वागत आणि मार्गदर्शन:
प्रथम वर्ष पदवी,पदविका तसेच थेट द्वितीय वर्ष प्रवेशित विद्यार्थ्यांचे गुलाबपुष्प देऊन स्वागत करण्यात आले. यानंतर प्रा.राहुल बोरसे आणि प्रा.रोशनी पाटील यांनी औषध निर्माणशास्त्र क्षेत्रातील संधी व शैक्षणिक माहितीचा आढावा घेतला.परीक्षांबाबत आवश्यक मार्गदर्शन प्रा. करण पावरा आणि प्रा.कीर्ती पाटील यांनी केले.
विद्यार्थ्यांचे मनोगत आणि प्रेरणादायी भाषण:
कार्यक्रमात विद्यार्थ्यांनीही उत्स्फूर्त सहभाग नोंदवला. रिद्धी गुजर, पूजा चव्हाण आणि भाऊसाहेब पवार यांनी आपले मनोगत व्यक्त केले. अध्यक्षीय भाषणात डॉ. विजय शास्त्री यांनी त्यांच्या शैक्षणिक जीवनातील प्रेरणादायी प्रसंग सांगत विद्यार्थ्यांना मार्गदर्शन केले. त्यांनी विद्यार्थ्यांना भारताच्या विकासाचा कणा संबोधले.
कार्यक्रमाचे नियोजन आणि यश:
कार्यक्रमाचे सूत्रसंचालन प्रा.श्रद्धा शिवदेआणि योगेश्वरी लोहार यांनी केले, तर आभारप्रदर्शन प्रा.मंगेश पाटील यांनी मानले.उपप्राचार्य डॉ.पराग कुलकर्णी,प्रा.मंगेश पाटील,प्रा. राहुल बोरसे आणि HOD जावेद शेख यांच्या मार्गदर्शनाखाली कार्यक्रमाचे नियोजन करण्यात आले.
कार्यक्रमाच्या यशस्वीतेसाठी महाविद्यालयातील सर्व शिक्षक आणि शिक्षकेतर कर्मचाऱ्यांनी विशेष मेहनत घेतली. विद्यार्थ्यांसाठी कार्यक्रमानंतर अल्पोपहाराचेही आयोजन करण्यात आले होते.
