घरकुल लाभार्थ्यांचा मेळावा
मोठ्या उत्साहात संपन्न
ना.राधाकृष्ण विखे पाटील यांच्या प्रयत्नातून घरकुलासाठी शेती महामंडळाची ३४ एकर जागा विनामूल्य मिळाल्याने प्रति घरकूल आर्धा गुंठा जागा मिळणार
श्रीरामपूर / प्रतिनिधी:
प्रधानमंत्री आवास योजना (ग्रामीण) टप्पा २ अंतर्गत तालुक्यातील बेलापूर बु - ऐनतपूर येथील ५६८ घरकुल लाभधारकांचा मेळावा बेलापूर येथे मोठ्या उत्साहात संपन्न झाला.
या मेळाव्यास देशाचे गृहमंञी नाम.अमित शहा, राज्याचे मुख्यमंञी नाम. देवेन्द्र फडणवीस, उपमुख्यमंत्री एकनाथ शिंदे, अजित पवार यांनी व्हिडीओ संबोधित केले.
याप्रसंगी बोलताना श्री.शरद नवले म्हणाले की,जिल्ह्याचे पालकमंञी नामदार राधाकृष्ण विखे पा. यांचेमुळे बेघरांचे स्वतःचे घराचे स्वप्न साकार होत आहे.नामदार श्री.विखे यांनी घरकुलासाठी शेती महामंडळाची एकर ३४ जमिन विनामूल्य दिली. तेथेच आता सदर लाभार्थींचे पुनर्वसन होवून त्यांचे स्वतःचे घराचे स्वप्न साकारणार आहे. रामगड येथील घरकुल वसाहतीचे राधाकृष्णनगर व गायकवाड वस्ती येथील घरकुल वसाहतीचे सुजयनगर असे नामकरण करणार असल्याचे श्री.नवले म्हणाले. कृषी उत्पन्न समितीचे उपसभापती अभिषेक खंडागळे म्हणाले की, गावकरी मंडळाने कारभार हाती घेताना जी आश्वासने दिली ती यानिमित्ताने पूर्ण होत असल्याचा आनंद होत आहे.नाम.राधाकृष्ण विखे पा. यांचेमुळे बेलापूरला १२६ कोटींची पाणी पुरवठा योजना, ४३ एकर शेती महामंडळाची जागा मोफत मिळाली. त्यामुळेच ज्यांना स्वतःचे घर नाही त्यांचे घराचे स्वप्न साकार होणार आहे.या घरकुल लाभार्थींना अर्धा गुंठा जागा दिली जाणार असून तेथे प्लॕन करुन रस्ते, पाणी,वीज अशा अद्ययावत सुविधा पुरविण्यात येवून सदरची घरकुल योजना राज्यात आदर्श ठरेल अशी असेल असे श्री.खंडागळे म्हणाले
याप्रसंगी सरपंच स्वाती अमोलिक, उपसरपंच प्रियंका कु-हे,ग्रामपंचायत सदस्य मुस्ताक शेख, ग्रामविकास अधिकारी निलेश लहारे,भाजपा अल्पसंख्याक आघाडीचे जिल्हा उपाध्यक्ष हाजी इस्माईल शेख,भास्करराव खंडागळे, विष्णुपंत डावरे, ज्ञानेश गवले,शफिक बागवान, बाळासाहेब दाणी, प्रभात कुऱ्हे,बाबुराव पवार,तस्वर बागवान, दादासाहेब कुताळ, महेश कुऱ्हे, विशाल आंबेकर, शफिक शेख,गोपी दाणी, श्रीराम मोरे यांच्या सह घरकुल लाभार्थीं उपस्थित होते. कार्यक्रम यशस्वी होण्यासाठी ग्रामपंचायतीच्या कर्मचाऱ्यांनी विशेष परिश्रम घेतले.
*वृत्त प्रसिद्धी सहयोग
समता मीडिया सर्व्हिसेस
श्रीरामपूर - 9561174111
