निरगुडे ग्रामपंचायतीला
ग्रामीण आवास योजना तालुकास्तरीय तृतीय क्रमांकांचा पुरस्कार प्रदान.
इंदापूर प्रतिनिधी: (३० जुलै २०२१)ग्रामीण विकास विभाग महाराष्ट्र शासन राज्य व्यवस्थापन कक्ष ग्रामीण गृहनिर्माण यांच्या वतीने देण्यात येणारा महा आवास अभियान पुरस्कार २०२०-२१ राज्य पुरस्कृत ग्रामीण आवास योजना तालुकास्तरीय उत्कृष्ट ग्रामपंचायत रमाई ,शबरी ,पारधी घरकुल योजने अंतर्गत तृतीय क्रमांकांचा पुरस्कार निरगुडे ग्रामपंचायतीस जाहीर झाला आहे. प्रशस्तीपत्र व सन्मानचिन्ह देऊन सभापती स्वाती शेंडे व उपसभापती संजय देहाडे आणि गटविकास अधिकारी विजयकुमार परीट यांच्या हस्ते ग्रामपंचायत निरगुडे सरपंच सौ. बायडा खंडाळे व सदस्य हनुमंत काजळे -पाटील ,सौ. गौरी सोनवणे, देवेंद्र राऊत या पदाधिकारी व लाभार्थी विशाल खंडाळे तसेच ग्रामसेवक गणेश जाधव यांच्याकडे सदर पुरस्कार प्रधान करण्यात आला.
यावेळी निरगुडे ग्रामपंचायत चे सर्व पदाधिकारी व लाभार्थ्यांना शुभेच्छा देण्यात आल्या .
यावेळी पंचायत समिती सदस्य सतीश पांढरे, प्रदीप जगदाळे,देवराज जाधव, प्रदीप काळे , सारिकाताई लोंढे, उपस्थित होते.
