वालचंदनगर येथे ना. भरणे यांच्या हस्ते श्री वर्धमान विद्यालय व कनिष्ठ महाविद्यालयतील यशवंत व गुणवंत विद्यार्थ्यांचा सन्मान.
राज्यमंत्री भरणे यांनी विद्यालयाच्या भौतिक सुविधासाठी ८० लाखाचा निधी केला जाहीर.
इंदापूर प्रतिनिधी :शनिवार दि. ४ डिसेंबर२०२१ रोजी वालचंदनगर येथील श्री वर्धमान विद्यालय व कनिष्ठ महाविद्यालय येथे राज्यमंत्री दत्तात्रय भरणे यांच्या हस्ते यशवंत व गुणवंत विद्यार्थ्यांचा सन्मान करण्यात आला.
इयत्ता दहावी बोर्ड परीक्षेत राज्यात प्रथम क्रमांकाने उत्तीर्ण झालेली कुमारी ऋचा मकरंद वाघ व पुणे विभागीय बोर्डात मुलींमध्ये प्रथम आलेली कुमारी उत्कर्षा योगेश शिंदे, कुमारी अनुष्का संजय गायकवाड या विद्यार्थिनीचा सन्मानचिन्ह व प्रशस्तीपत्र देऊन सन्मानित करण्यात आले.
याप्रसंगी नामदार दत्तात्रय भरणे यांनी विद्यालयाच्या भौतिक सुविधा साठी ८० लाखांचा निधी मंजूर करत असल्याचे जाहीर करून तात्काळ काम सुरू करण्याच्या सूचना संबंधित यंत्रणेला दिल्या.
