अहमदनगर जिल्ह्यातील त्या आत्महत्या प्रकरणाला वेगळे वळण;महाराष्ट्रात खळबळ माजण्याची शक्यता..!!

शिर्डी एक्स्प्रेस लाईव्ह वृत्तसेवा अहमदनगर जिल्हा प्रतिनिधी- दिपक हरिश्चंद्रे.

गुरूवार दिनांक ०२ डिसेंबर २०२१  

अहमदनगर जिल्ह्यातील त्या आत्महत्या प्रकरणाला वेगळे वळण;महाराष्ट्रात खळबळ माजण्याची शक्यता..!!

अहमदनगर : जिल्ह्यातील शेवगाव येथील तरुण शेतकरी भाऊसाहेब घनवट याच्या आत्महत्या प्रकरणाला वेगळे वळण लागले आहे. त्याचा भाऊ अंबादास घनवट याने या प्रकरणात राज्यातील एका बड्या पोलीस अधिकाऱ्याचे नाव घेतले आहे.

 

या पोलीस अधिकाऱ्यानं शेवगाव पोलिसांना फोन करून दबाव आणल्याचा आरोप त्यानं केला आहे.शेवगावमध्ये तहसीलदार कार्यालयासमोर भाऊसाहेब घनवट या तरुण शेतकऱ्याने आत्महत्या केली होती. आत्महत्येपूर्वी त्याने बनवलेला व्हिडिओ आता समोर आला आहे.

 

‘सर्व काही मोबाइलमध्येच’ असे स्टेटस ठेवत त्याने आत्महत्या केली होती.सुरुवातीला त्याने लिहून ठेवलेली चिठ्ठी अंतर्वस्त्रात आढळून आली. त्यामध्ये त्याने तालुक्यातील गंगामाई शुगर या खासगी साखर कारखान्याच्या अधिकाऱ्यांनी त्रास दिल्याने आत्महत्या करीत असल्याचे म्हटले आहे.

        हा कारखाना धनवट यांच्या शेता शेजारीच आहे. कारखान्यामुळे होणाऱ्या प्रदूषणामुळे घनवट यांच्या शेतीचे नुकसान होत होते. त्याची तक्रार कारखान्याकडे केली असता घनवट यांच्यावरच खंडणीचा गुन्हा दाखल केला गेला. सुसाइड नोटमधील या मजकुरावरून शेवगाव पोलिसांनी गंगामाई साखर कारखान्याच्या तीन अधिकाऱ्यांविरुद्ध आत्महत्येस प्रवृत्त केल्याचा गुन्हा दाखल केला आहे.

          आता आत्महत्या केलेल्या भाऊसाहेब सर्जेराव घनवट याने आत्महत्येपूर्वी मोबाईलध्ये करून ठेवलेला व्हिडिओ समोर आला आहे. त्यात त्याने आपली व्यथा कथन केली आहे. तर दुसरीकडे या प्रकरणी फिर्याद दिलेला त्याचा भाऊ अंबादास सर्जेराव घनवट याने पोलिसांवर गंभीर आरोप केले आहेत. 

      कारखान्याची बाजू घेत पोलिसांनी आम्हालाच मारहाण केली. त्यांना एका वरिष्ठ पोलिस अधिकाऱ्याचा फोन येत होता, असा आरोप करून घनवट यांनी मारहाण करणाऱ्या शेवगावमधील पोलिसांवरही कारवाईची मागणी केली आहे.

✒️Shirdi Express Live#करीता बातम्या🗞️ आणि जाहिराती साठी संपर्क @दिपक हरिश्चंद्रे (अहमदनगर जिल्हा प्रतिनिधी )📲7350591600