शिर्डी एक्स्प्रेस लाईव्ह वृत्तसेवा अहमदनगर जिल्हा प्रतिनिधी- दिपक हरिश्चंद्रे.
मंगळवार दिनांक ०७ डिसेंबर २०२१
अहमदनगर : शालेय शिक्षण व क्रिडा विभागाच्या १४ ऑगस्ट २००८ च्या शासन निर्णय अतिशय अन्यायकारक व २००२ च्या सामान्य प्रशासनाच्या शासन निर्णयाच्या पूर्णपणे संभ्रम निर्माण करणारा असल्यामुळे त्यातील बदलीपात्र शब्दामुळे महाराष्ट्रातील आदिवासी, नक्षलग्रस्त क्षेत्रातील बिकट परिस्थितीत प्राथमिक, माध्यमिक, उच्चमाध्यमिक व कनिष्ठ महाविद्यालयातील शिक्षक शिक्षकेतर कर्मचारी विविध अडचणींचा सामना करून अतिदुर्गम डोंगराळ संवेदनशील भागात आपल्या जिवाची पर्वा न करता अतिशय प्रामाणिकपणे व तळमळीने शैक्षणिक स्तर उंचावण्याचे काम करूनही त्यांना फार मोठ्या प्रमाणात आर्थिक, मानसिक व शारीरिक त्रास सहन करावा लागत आहे.
१४ ऑगस्ट २००८ चा शासन निर्णय रद्द होऊन सर्वसमावेशक सुधारित शासन निर्णय काढण्यासाठी पाठपुरावा करून आदिवासी भागात काम करणार्या शिक्षकांचा प्रश्न सोडवणार असे आश्वासन नाशिक पदवीधर संघाचे आमदार सुधीर तांबे यांनी शिक्षक भारती संघटनेचे सरचिटणीस महेश पाडेकर, कार्याध्यक्ष डॉ किशोर डोंगरे, तालुका सचिव मनोहर राठोड, तालुका संघटक शिशुपाल वाघमारे, मुख्याध्यापक विलास सावंत आदी पदाधिकारी यांना दिले.
तसेच कनिष्ठ महाविद्यालयीन शिक्षकांच्या सेवानिवृत्त पेन्शनसाठी बीडीएस प्रणाली, तासिका तत्त्वावरील शिक्षकांची मानधन वाढ, सातव्या वेतन आयोगाचा दुसरा फरक हप्ता, अर्धवेळ शिक्षकांची सेवाशास्वती, जुनी पेन्शन योजना, आदिवासी भागातील काम करणारे प्राथमिक शिक्षकांसाठी एकस्तर १२ वर्ष, माध्यमिक उच्च माध्यमिक शिक्षकांसाठी ६ वर्ष, वेतन निश्चिती च्या समस्या, वरिष्ठ व निवड श्रेणी प्रशिक्षण शुल्क माफी, त्रुटी मध्ये असलेल्या शाळा कॉलेज साठी 20 टक्के अनुदान, प्रचलित पद्धतीने अनुदान अशा विविध प्रश्नांसंदर्भात सविस्तर चर्चा झाली. आमदार तांबे यांनी टप्प्याटप्प्याने सर्व प्रश्न मार्गी लावू असे आश्वासन दिले.
या निर्णयाचे स्वागत आमदार कपिल पाटील, राज्य अध्यक्ष अशोक बेलसरे, कनिष्ठ महाविद्यालयीन शिक्षक भारतीचे राज्याध्यक्ष आर. बी. पाटील, सुभाष मोरे, जालिंदर सरोदे, नाशिक विभागीय अध्यक्ष राजेंद्र लोंढे, जयवंत भाबड, राज्य सचिव सुनील गाडगे, जिल्हाध्यक्ष आप्पासाहेब जगताप, उपजिल्हाध्यक्ष रामराव काळे, मोहम्मद शमी शेख, जितेंद्र आरु, रूपाली कुरुमकर, सचिन जासूद, अमोल चंदनशिवे, माफीज इनामदार, माध्यमिक शिक्षक सोसायटीचे संचालक कैलास रहाणे, अमोल वरपे, रूपाली बोरुडे, सचिन लगड, श्याम जगताप, संजय तमनर, संभाजी पवार, संतोष देशमुख, योगेश हराळे, सोमनाथ बोनंतले, ज्ञानेश्वर काळे, गोवर्धन रोडे, प्रवीण मते, हर्षल खंडीझोड, दादासाहेब कदम, संतोष निमसे, संजय पवार, संजय भुसारी आदी पदाधिकार्यांनी केले.
✒️Shirdi Express Live#करीता बातम्या🗞️ आणि जाहिराती साठी संपर्क @दिपक हरिश्चंद्रे (अहमदनगर जिल्हा प्रतिनिधी )📲7350591600
