वडापुरी येथे रब्बी हंगाम पूर्व प्रशिक्षण राष्ट्रीय अन्न सुरक्षा अभियान अंतर्गत ज्वारी प्रकल्प बियाणे वितरण

वडापुरी येथे रब्बी हंगाम पूर्व प्रशिक्षण  राष्ट्रीय अन्न सुरक्षा अभियान अंतर्गत ज्वारी प्रकल्प बियाणे वितरण

इंदापूर प्रतिनिधी: आज मौजे वडापुरी येथे रब्बी हंगाम पूर्व प्रशिक्षण  राष्ट्रीय अन्न सुरक्षा अभियान अंतर्गत ज्वारी प्रकल्प बियाणे वितरण करण्यात आले.

 यावेळी शेतकरी बचत गट अध्यक्ष ,सचिव ,सदस्य व वडापुरी येथील शेतकरी बांधव उपस्थित होते.

 यावेळी श्री भाऊसाहेब रुपनवर तालुका कृषी अधिकारी इंदापूर यांनी रब्बी ज्वारी विषयी शेतकऱ्यांना पूर्व मशागत सुधारित वाण, पेरणी अंतर व एकात्मिक अन्नधान्य व्यवस्थापन या विषयावर शेतकऱ्यांना मार्गदर्शन केले .तसेच कृषी योजनांचे मार्गदर्शन कृषी पर्यवेक्षक शिंगटे  व ए एल जावळे कृषी सहाय्यक यांनी केले. 

चालू वर्ष आंतरराष्ट्रीय तृणधान्य वर्ष असल्यामुळे वडापुरी गावामध्ये रब्बी ज्वारीचे प्रकल्प मंडळ कृषी अधिकारी सूर्यवंशी जी पी व तालुका कृषी अधिकारी बी एस रूपनवर  यांच्या मार्गदर्शनाखाली घेण्यात आले आहेत.हे वर्ष 2022-23 हे वर्ष आंतरराष्ट्रीय पौष्टिक तृणधान्ये वर्ष घोषित केलेले आहे. तरी जास्तीत जास्त शेतकरी बांधवांनी ज्वारी पिक प्रात्यक्षिक कार्यकमात सहभाग घेऊन कार्यक्रम राबविण्यात यावा असे अवाहान कृषि अधिकारी सुर्यवंशी यांनी केले.