शिर्डी एक्सप्रेस लाईव्ह नेटवर्क:-
गाडी चालवायला येणे ही सध्याची एक महत्वाची गरज आहे म्हटलं तरी चालले. काहीजण सहज गाडी चालवायला शिकतात. पण खरतर कार चालवायला शिकणे वाटते तितके सोपे नसते. कारण कार चालवण्यासोबतच काही नियम देखील पाळावे लागतात.
वाहतुकीचे नियम मोडल्यास दंड तर भरावाच लागतो, पण जीवाला धोकाही असतो. जर तुम्हीही नुकतीच कार चालवायला सुरुवात करत असाल तर तुम्ही काही गोष्टींची विशेष काळजी घेतली पाहिजे, जेणेकरून तुम्ही सुरक्षित कार चालवू शकाल.
आज येथे आम्ही तुम्हाला कार ड्रायव्हिंगशी संबंधित काही महत्त्वाचे नियम सांगत आहोत जे तुमच्यासाठी खूप उपयुक्त आहेत. चला तर मग जाणून घेऊ कोणते आहेत हे नियम.
दारू पिऊन गाडी चालवू नका
एका आकडेवारीवरून असे दिसून आले आहे की दारू पिऊन गाडी चालवल्यामुळे दररोज सुमारे 19 भारतीयांचा मृत्यू होतो. सध्याच्या कायद्यानुसार, ड्रायव्हिंगसाठी रक्त अल्कोहोलची मर्यादा 0.03% पर्यंत असावी. जर एखाद्या व्यक्तीने ही मर्यादा ओलांडली तर त्याला 2000 ते 10000 रुपयांपर्यंत दंड होऊ शकतो. याशिवाय 7 महिने ते चार वर्षांपर्यंत तुरुंगवासही होऊ शकतो.
वाहन चालवताना तुमचा सीटबेल्ट घाला
जर तुम्ही गाडी चालवायला नवीन असाल तर सीट बेल्ट लावण्याची सवय लावा. सीट बेल्ट घातल्याने तुम्हाला ट्रॅफिक चालानपासून तर वाचेलच, पण अपघात झाल्यास तुमचा जीवही वाचेल. जर तुम्ही सीट बेल्ट न लावता गाडी चालवताना पकडले गेले तर तुम्हाला 1000 रुपयांपर्यंतचा दंड भरावा लागू शकतो.
मोबाईल फोन वापरणे
मोटार वाहन नियमांनुसार, ड्रायव्हर फोनचा वापर फक्त नेव्हिगेशन टूल म्हणून करू शकतात. मात्र, जर तुम्ही गाडी चालवताना फोनवर बोललात तर तुमचे चलन कापले जाईल. या नियमाचे उल्लंघन केल्यास 5000 रुपयांपर्यंत दंड भरण्याची तयारी ठेवा.
ओव्हर स्पीडिंग
एका अहवालानुसार, 2018 मध्ये भारतीय रस्त्यांवरील 66 टक्के अपघात हे वेगामुळे झाले. वेगासाठी आकारला जाणारा दंड तुमच्या वाहनाच्या आकारानुसार बदलू शकतो, साधारणपणे रु. 1000 ते रु. 2000.
रेड लाईट जंप करणे
लाल दिव्यावर न थांबता बरेच लोक घाईघाईने निघून जातात. तथापि, असे केल्यास 5000 रुपयांपर्यंत दंड आणि एक वर्षाच्या तुरुंगवासाची शिक्षा होऊ शकते. ते अपघाताचे कारणही बनू शकते.
