शिर्डी प्रतिनिधी : (संजय महाजन)
महाराष्ट्र राज्याचे मुख्यमंत्री एकनाथ शिंदे यांनी सपत्नीक जाज 23 नोव्हेंबर बुधवार रोजी दुपारी शिर्डीला भेट देऊन त्यांनी श्री. साईबाबांच्या समाधीचे दर्शन घेतले.
यावेळी त्यांच्यासोबत महसूल, पशुसंवर्धन व दुग्धव्यवसाय विकास मंत्री तथा पालकमंत्री राधाकृष्ण विखे-पाटील, शालेय शिक्षणमंत्री दिपक केसरकर उपस्थित होते. यावेळी विभागीय आयुक्त राधाकृष्ण गमे, विशेष पोलीस महानिरीक्षक बी. जी. शेखर पाटील, जिल्हाधिकारी डॉ. राजेंद्र भोसले, जिल्हा पोलीस अधीक्षक राकेश ओला, मुख्य कार्यकारी अधिकारी आशिष पेरकर, शिर्डी संस्थानचे उप मुख्य कार्यकारी अधिकारी राहुल जाधव, प्रांताधिकारी गोविंद शिंदे उपस्थित होते. तत्पूर्वी मुख्यमंत्री एकनाथ शिंदे यांचे ठाणे येथून हेलिकॉप्टरने शिर्डी येथील श्री साईबाबा संस्थानच्या हेलिपॅडवर आज बुधवारी दुपारी आगमन झाले. यावेळी महसूल, पशुसंवर्धन, दुग्धव्यवसाय विकास मंत्री तथा पालकमंत्री राधाकृष्ण विखे पाटील यानी त्याचे पुष्पगुच्छ देऊन स्वागत केले.
यावेळी शालेय शिक्षणमंत्री दिपक केसरकर त्यांच्या समवेत उपस्थित होते. नामदार एकनाथराव शिंदे राज्याचे मुख्यमंत्री झाल्यानंतर त्यांनी प्रथमच शिर्डीला भेट देऊन श्री साईबाबांचे दर्शन घेतले. शिर्डीत आल्यानंतर नामदार एकनाथराव शिंदे यांना अभिवादन करण्यासाठी साई भक्त व ग्रामस्थांनी ही मोठी गर्दी केली होती. या मुख्यमंत्र्यांच्या भेटीदरम्यान शिर्डीत मोठा पोलीस बंदोबस्त तैनात करण्यात आला होता. साई दर्शनानंतर मुख्यमंत्री नामदार एकनाथराव शिंदे यांचा साई संस्थानच्या वतीने सत्कार केला.
मुख्यमंत्र्यांच्या शिर्डी भेटी प्रसंगी बाळासाहेबांची शिवसेनेचे उत्तर नगर जिल्हाध्यक्ष कमलाकर कोते, राजेंद्र देवकर, बाळासाहेब पवार, शिवाजी चौधरी, रमेश काळे, विजय काळे, राजेंद्र शेळके, सुनील बाराहाते, वीरेश गोंदकर, सचिन जाधव, मच्छिंद्र गायके, बाबुशेठ टायरवाले, जयराम कांदळकर आदी कार्यकतेंही यावेळी उपस्थित होते.
