खरोखर अवघं जग बसलयं तुझ्या प्रतिक्षेत,
तू प्रगतीच्या प्रवाहात पाऊल उचलतर खरं !
दे झुगारुन नको त्या सर्व अनावश्यकबाबींना,
स्वतःला चार - चौघात घेऊन बसवतर खरं !!
जगभराचं सामर्थ्य ओसांडून वाहतयं तुझ्यात,
तरी तू का बरं उदास होवून बसला आहेस ?
मान,सन्मान,धनसंपदा, ऐश्वर्य चालून घरी
यावं तुझ्या, का याकरिता रुसला आहेस ?
तुला तुझं लक्ष नक्कीच साध्य करता येईल रे
मात्र शेवटी कुठंवर तू असा उभाच राहतोस ?
निर्माण कर स्वतःत एक नवी उमेद नवी उर्जा,
जीवीत असूनही का रे तु मडं होवू पाहतोस ?
तुझं आयुष्य सुधरविण्यासाठी, दुसरं कोणीही येणार नाही, इथं सर्वांनाच आपापले पडले आहे !
तुझा उद्धार तुझ्याच हाती, तू फक्त वाटसरु हो,
तुझ्या वाटेतच तुझे प्रगतीचे यश दडले आहे !!
तू आपल्या ह्रदयात समतेला भर, सोबतच
थोडसं सदभाव, स्नेह, प्रेम आणि ममतेला भर !
तुला अंतःकरणाने सांगतोय शौकत,कमीतकमी
त्याच्या बोलण्यावर जरासा भरवसा तर कर !!
जरासा भरवसा तर कर ! भरवसा तर कर !!
शब्दालंकार : शौकतभाई शेख
श्रीरामपूर - मोबा: ९५६११७४१११
