श्रीरामपूर प्रतिनिधी:
दिपावली हा सण भारतभर मोठ्या उत्साहाने साजरा करत असतांना ज्या सैनिकांनी आपल्या मातृभूमीच्या रक्षणार्थ आपल्या प्राणाचे बलिदान केले त्यांची आठवण म्हणुन आज आपण या सैनिकांप्रती कृतज्ञता व्यक्त करणे गरजेचे आहे त्या अनुषंगाने त्रिदल सैनिक सेवा संघ महाराष्ट्र राज्य शाखा श्रीरामपूर च्या वतीने शाखा पदाधिकारी व सदस्यांच्या हस्ते एक दिवा शहिदांसाठी लावून शहिदांचे स्मरण करण्यात आले.
याप्रसंगी ज्येष्ठ माजी सैनिक माजी नायब तहसीलदार आर. टी. कांदे व परिवर्तन फाऊंडेशनचे अध्यक्ष माजी नायब तहसीलदार उत्तमराव दाभाडे यांच्या हस्ते पुष्पहार अर्पण करण्यात आले. त्यानंतर हजर असलेल्या सर्वच माजी सैनिकांनी दिवे प्रज्वलित करून शहिदांना नमन केले. याप्रसंगी अहमदनगर उत्तर विभागाचे उपाध्यक्ष मेजर कृष्णा सरदार,तालुका अध्यक्ष संग्रामजीत यादव,भगिरथ पवार, विलास खर्डे, श्रीराम ट्रेडर्स चे मालक रामचंद्र सुगुर,सुनील गवळी,मिनीनाथ गुलदगड, रवींद्र कुलकर्णी, अमित देशमुख, दत्तात्रय सोनवणे, कैलास कोठुळे, बाळासाहेब भागडे, सोमनाथ ताके, सुनील भालेराव इत्यादी मोठ्या संख्येने उपस्थित होते.
पत्रकार अफजल मेमन - श्रीरामपूर
सहयोगी: स्वाभिमानी संपादक सेवा संघ
संकलन:
समता न्यूज नेटवर्क,श्रीरामपूर - 9561174111
