सौरभ कामडी - पालघर
संविधान प्रचार प्रसार मंच पालघरच्यावतीने भारतीय संविधानाचा प्रचार प्रसार करणे, शालेय जीवनापासूनच संविधानाची मूलभूत ओळख होऊन त्याद्वारे आदर्श नागरिक घडविणे व भारताची अखंडता जोपासणे या उदात्त हेतुने संविधान गुणगौरव परीक्षा २०२३ चे आयोजन जिल्हा परिषद शाळा चौक येथे केंद्रसमन्वयक दिनेश पडवळ व चौक केंद्राचे केंद्रप्रमुख रवी बुधर यांच्या मार्गदर्शना खाली करण्यात आले.
कार्यक्रमाची सुरुवात भारतीय घटनेचे शिल्पकार महामानव डॉ. बाबासाहेब आंबेडकर यांच्या प्रतिमेला मान्यवरांच्या हस्ते पुष्पहार अर्पण करुन परीक्षेचे उदघाट्न करण्यात आले.
सदर परीक्षा राज्यस्तरीय असून चौक शाळेतील ७० विदयार्थी परीक्षेला बसले असून ५० प्रश्नांची १०० गुणांसाठी परिक्षा लेखी स्वरूपात होती.परिक्षेचे प्रारंभी
संविधानाची मूलभूत ओळख करून देण्यात आली.
उपस्थित मान्यवर पाहुण्यांचे स्वागत मुख्याध्यापक गणपत गावंढा यांनी केले.अध्यक्ष रविंद्र वैजल यांनी संविधानाची मूलभूत ओळख करून देत मार्गदर्शन केले. या प्रसंगी सरपंच अंजली गोंड , माजी पं.स सदस्य मनू गावंढा, विस्तार अधिकारी (शिक्षण) सुरेश भोये, केंद्राचे केंद्रप्रमुख शंकर खाले यांनी मार्गदर्शन करून विद्यार्थ्यांना शुभेच्छा दिल्या. प्रास्ताविकेचे प्रकट वाचन विद्यार्थिनी पुजा काटेला हिने केले. कार्यक्रमाचे सूत्रसंचालन उपक्रमशील शिक्षक पांडुरंग गावित यांनी केले. सदर परीक्षा सुरळीतपणे पार पाडण्यासाठी चौक शाळेचे शिक्षक मोतीराम काटेला, राजेश भोये , राहुल खरपडे व महेंद्रा धिंडा यांनी मोलाचे योगदान दिले.
*पत्रकार सौरभ कामडी - पालघर
*सहयोगी* स्वाभिमानी संपादक सेवा संघ
*संकलन
समता न्यूज नेटवर्क,श्रीरामपूर - 9561174111
