श्रीरामपूर (प्रतिनिधी)- नवीन शासकीय धोरणानुसार महाराष्ट्र राज्य शैक्षणिक संशोधन व परिषद पुणे यांचेमार्फत श्रीरामपूर येथील डी. पॉल इंग्लिश मेडीयम स्कूल येथे पंचायत समितीच्या शिक्षण विभागातर्फे अध्ययन प्रक्रियेचे व्यवस्थापण मूल्यमापन या विषयावर पाच दिवशींय प्रशिक्षण संपन्न झाले.विद्यार्थ्यावर होणाऱ्या संस्कारांत शिक्षकांचा वाटा मोठा असतो. शिक्षकाच्या आचारविचारांचा प्रभाव संस्कारक्षम विद्यार्थ्यावर होत असतो.अध्यापकाची प्रतिष्ठा बऱ्याच अंशी त्याच्या विविध प्रकारच्या गुणवत्तेवर अवलंबून असते. त्या बाबतही अनेक प्रकारचे संशोधन अलीकडे झाले आहे.जे विषय शिकवावयाचे त्यांवर उत्तम प्रभुत्व, ते विषय विद्यार्थ्यांना समजावून देण्याचे कौशल्य, स्वत:चा व्यासंग अद्ययावत ठेवण्याची धडपड, अध्यापनसाधनांचे ज्ञान व त्यांचा कौशल्यपूर्ण उपयोग करण्याचे सामर्थ्य अध्यापकामध्ये अद्ययावत असावे म्हणून प्रशिक्षण फार महत्त्वाचे असते.तिसऱ्या कुलातील राज्यस्तरीय प्रशिक्षित शिक्षक संजय वाघ ,शाकीर शेख आणि अमोल कल्हापुरे यांनी उत्तम प्रकारे प्रशिक्षणार्थी बांधवांना प्रशिक्षण दिले. यावेळी पंचायत समिती श्रीरामपूरच्या गटशिक्षणाधिकारी साईलता सामलेटी ,जिल्हा विस्तार अधिकारी रमजान पठाण,ज्ञानेश्वर कलगुंडे,आणि संजीवन दिवे यांनी भेट देऊन मार्गदर्शन केले.
प्रशिक्षणात मनोरंजक खेळ ,उपक्रम घेण्यात आले आणि आव्हान पुस्तिका पूर्ण करण्यासाठी मार्गदर्शन करण्यात आले. यावेळी प्रशिक्षणातील सर्व उपक्रमात सक्रिय सहभाग घेतल्याबद्दल कूल क्रमांक तीनमधून जिल्हा परिषद प्राथमिक शाळा कुरणपूर येथील उपक्रमशील शिक्षक रज्जाक शेख यांच्यासह सुनील घोगरे,काजल आसने,आणि संगीता उंडे यांचा ,आदर्श अध्ययनार्थी म्हणून विशेष सन्मान करण्यात आला. यावेळी प्रशिक्षित तज्ज्ञांबरोबर अहमदनगर जिल्हा विकास मंडळाचे अध्यक्ष प्रदीप दळवी, ईब्टा संघटनेचे जिल्हाध्यक्ष विजय काटकर, सय्यद नसीर,राजेंद्र खरात,सुनील बागुल,अजय ओहोळ, निलेश कंगे,संदीप अत्रे,ज्ञानदेव मोरे,सतीश आल्हाट,अविनाश साठे,मेहरखाम्ब,आदी प्रशिक्षणार्थी उपस्थित होते. प्रशिक्षण यशस्वी करण्यासाठी विषयतज्ञ शाहीन शेख, दातीर, इरफान शेख,बाचकर,बागुल,शेंडगे, आदिंनी विशेष परिश्रम घेतले.
