(भिगवन प्रा. सागर घरत). : पिटकेश्वर (इंदापूर) येथील श्री .दैवत अंकुश येरळकर गेले अनेक वर्ष हर्षवर्धन पाटील यांचे एकनिष्ठ कार्यकर्ते म्हणून काम करत होते. तालुक्यामध्ये असणारा युवकांचा अफाट संपर्क, जिद्द,चिकाटी या जोरावरती भाजप विचारांचे कार्य त्यांनी आज पर्यंत केलेले आहे. प्रामाणिकपणे केलेल्या कार्याची सर्वसामान्य कार्यकर्त्याला पोचपावती मिळाली असे दैवत येरळकर यांनी सांगितले. येथून पुढच्या काळामध्ये हर्षवर्धन पाटील यांच्या मार्गदर्शनाखाली गोरगरीब जनतेची सेवा व सर्वसामान्य कार्यकर्त्यांचे प्रामाणिकपणे काम करणार असून, युवकांची मोठी ताकद उभा करणार असल्याचेही ते बोलले. भाजप युवा मोर्चा उपाध्यक्षपदी निवड झाल्याचे पत्र मा.सहकार मंत्री हर्षवर्धन पाटील यांच्या हस्ते त्यांना देण्यात आले. त्याबद्दल सर्व स्तरातून त्यांचे अभिनंदन होत आहे.
