अल्पवयीन मुलीवर अत्याचार करून जीवे मारले...!
देहरे, ता-नगर जि-अहमदनगर येथील साक्षी पिटेकर या अल्पवयीन मुलीच्या मृत्यूस कारणीभूत असलेल्या आरोपींना फाशीची शिक्षा झालीच पाहिजे.या मागणीसाठी नगर- मनमाड रोडवर रास्ता रोको करण्यात आले.
शिर्डी एक्सप्रेस वृत्तसेवा
अहमदनगर प्रतिनिधी:-
या बाबत सविस्तर वृत्त असे की मयत साक्षी पिटेकर हि ई. 8 वीत शिकत असलेली अल्पवयीन मुलगी आपली विधवा आई व लहान भाऊ असे तिघे मिळुन देहेरे येथे रहात होती. दिनांक 13 जानेवारी 2024 रोजी दुपारी 4 च्या दरम्यान तीला घरा जवळुन प्रिती बाबा जाधव हिने मारहाण करत घेवुन गेलेली आहे. पुढे 16 जानेवारी 2024 ला तीची देहेरे येथील विहिरीत मृतदेह स्वरुपात आढळून आला आहे. या मधल्या काळात आरोपींनी तिच्यावर लैंगिक हत्याचार करून तिला मारून टाकून पिकअप गाडी मध्ये घालून घेऊन गेले व विहिरीत फेकून दिलेले आहे. तीचा निर्दयीपणे खून केलेला आहे. या घटनेमुळे साक्षी पिटेकरचे कुटुंब/नातेवाईक व आसपासचे रहिवासी तसेच वडार समाज बंधू- भगिनी खूप दहशतीखाली आलेले आहे. ही घटना येथील पोलिसांनी अतिशय बेजबाबदारपणे व कर्तव्यात कसूर करून निष्काळजी पणे हाताळलेली आहे. वेळीच ही घटना कर्तव्यदक्ष पणे हाताळली गेली असती तर साक्षीचा मृत्यू झाला नसता, अशी आमची समाजाची भावना झालेली आहे.
या घटनेमुळे जिल्ह्यासह महाराष्ट्रातील समाजाच्या मनामध्ये आरोपी नराधमाच्या विरुद्ध व आरोपींना पाठीशी घालणाऱ्या पोलीसांच्या विरुद्ध प्रचंड रोष व चीड निर्माण झालेली आहे.
ही बाब अतिशय गंभीर आहे. या घटनेचे गांभीर्य लक्षात घेऊन पोलीस अधीक्षक साहेब अहमदनगर यांनी घटनेमध्ये सहभागी असलेल्या सर्व आरोपींना तात्काळ अटक करण्यात यावी. साक्षीच्या मृत्यूस कारणीभूत असलेल्या आरोपींवर फास्ट ट्रेक कोर्ट मध्ये केस चालउन कठोरात कठोर फाशीची शिक्षा व्हावी ही तमाम महाराष्ट्रातील समाज बांधवांची भावना आहे. साक्षी पिटेकर व तिच्या कुटुंबाला न्याय न मिळाल्यास हे आंदोलन महाराष्ट्रभर तीव्र स्वरूपात केले जाईल असा इशारा देण्यात आला.
यावेळी आंदोलना दरम्यान पुढील मागण्या प्रामुख्याने करण्यात आल्या आहेत साक्षी पिटेकर हिच्यावर लैंगिक हत्याचारकरून मारून टाकणाऱ्या ऋतिक संजय जाधव या नराधमाला फाशीची शिक्षा झालीच पाहिजे या हत्याकांडातील एक आरोपी प्रीती बाबा जाधव हिला त्वरित अटक करण्यात यावी.या हत्याकांडतील ईतर सर्व आरोपींना अटक करून फाशीची शिक्षा झाली पाहिजे..
साक्षी पिटेकरच्या मारेकऱ्यांना पाठीशी घालणाऱ्या संबंधित अधिकाऱ्याला बडतर्फ करून त्याला सह.आरोपी करण्यात यावे. प्रीती बाबा जाधव या आरोपीचीची नार्को टेस्ट करण्यात यावी. ऋत्विक संजय जाधव या नराधाम आरोपीची काॅल व मोबाईल रेकॉर्डची चौकशी करण्यात यावी. या घटनेतील पुरावे नष्ट करण्याचा प्रयत्न करणाऱ्या व्यक्तींना या घटनेत सह.आरोपी करण्यात यावे.साक्षी पिटेकर हिच्या मृत्यूस देहरे गावातील अवैध धंदे जबाबदार आहेत. अशा अवैध धंद्यांना अभय देणाऱ्या अधिकाऱ्यांनवर तात्काळ कार्यवाही करण्यात यावी.
साक्षी पिटेकरच्या सर्व मारेकऱ्यांना फाशीची शिक्षा देऊन तिच्या कुटुंबीयांना न्याय मिळावा ही तमाम महाराष्ट्रातील समाज बांधवांनी मागणी केली आहे.यावेळी सामाजिक कार्यकर्ते भरत विटकर, रमेश जेठे, सामाजिक कार्यकर्ते शिवाजी ननवरे, वडार सक्षम फाउंडेशन महाराष्ट्र राज्य संघटनेचे संस्थापक संदिपदादा कुसळकर, बिट्टू भाऊ लष्करे,सचिन शिंदे,सरपंच भोरू मस्के,वडार पॅंथर चे प्रमुख दयाभाऊ इरकल, सागर कुसमुडे, दिपेशजी पिटेकर, प्रदिप मोहीते,राजू धोत्रे, अशोक धनवटे,सागर चौगुले,पंडित डोंगरे, प्रकाश शेलार, प्रियांकाताई बंडगर,वडार जन आंदोलन महाराष्ट्र कु. संगीताताई पवार हरीषजी बंडिवडार, नामदेव धनवटे, किसन धनवटे, हरिदास धनवटे, योगेश गुंजाळ,संपत गायकवाड,नवनाथ धनवटे, गोटू मांजरे, राजू मोहीते, अनिल बोठे, शंकरराव कु-हाडे,दत्तात्रय कुसळकर, सुभाष देवकर, मेघनाथ धनवटे,सागर धनवटे, सचिन धोत्रे, सा.का.सुनिता ताई धनवटे, प्रकाश धनवटे, राधेश्याम कुसमुडे,भारत धनवटे, महेंद्र कुसळकर, दत्तात्रय धनवटे, दिपक धनवटे, हरिकिशन धनवटे रवि धनवटे, व देहरेतील व संबंध महाराष्ट्रातील सर्व समाज बंधू- भगिनी व बांधव, पंचक्रोशीतील समाज बंधू- भगिनी यांनी अभुतपुर्व सहभाग नोंदविला.
