नगर / प्रतिनिधी:
शब्दगंध चे उपक्रम नवोदितांना प्रेरणा देणारे असून संस्थेची सर्व माहिती दिनदर्शिकेच्या माध्यमातून सर्व सभासदांपर्यंत पोहोच करण्याची कृती दिशादर्शक आहे असे मत ज्येष्ठ साहित्यिक कवी शिरीष जाधव यांनी व्यक्त केले.
अहिल्यानगर येथील कोहिनूर मंगल कार्यालयात शब्दगंध च्या वतीने आयोजित दिनदर्शिका प्रकाशन समारंभात ते बोलत होते. शब्दगंधचे अध्यक्ष राजेंद्र उदागे, संस्थापक सुनील गोसावी, राजेंद्र चोभे,डॉ.अनिल गर्जे, प्रा. डॉ.तुकाराम गोंदकर, स्वाती ठुबे,शर्मिला गोसावी व ज्ञानदेव पांडूळे आदी मान्यवर उपस्थित होते.
शब्दगंधच्या दिनदर्शिका मध्ये सर्व सभासद, शाखांची व साहित्यिक उपक्रमाची माहिती देण्यात आली आहे, साहित्यिकांना उपयुक्त अशी दिनदर्शिका तयार झाल्याने आनंद होतो आहे, असे मत कवयित्री स्वाती ठुबे यांनी व्यक्त केले.
यावेळी डॉ.अनिल गर्जे, सुभाष सोनवणे,भगवान राऊत, डॉ. अशोक कानडे, बबनराव गिरी, डॉ.तुकाराम गोंदकर, रवींद्र दानापुरे व सुनील गोसावी आदी मान्यवर उपस्थित होते.
*वृत्त प्रसिद्धी सहयोग
समता मीडिया सर्व्हिसेस
श्रीरामपूर - 9561174111
