*इंदापूरच्या आश्रमशाळेत अण्णाभाऊ साठे यांना अभिवादन*
इंदापूर:*इंदापूर ता.१८:* साहित्यरत्न लोकशाहीर आण्णाभाऊ साठे यांना ५६ व्या स्मृतिदिनानिमित्त भिमाई आश्रमशाळेत अभिवादन करण्यात आले. यावेळी मातोश्री रमाबाई आंबेडकर विद्यार्थी वसतिगृह ट्रस्टच्या डॉ. बाबासाहेब आंबेडकर शैक्षणिक संकुलात संस्थेचे कार्याध्यक्ष व राष्ट्रवादी काँग्रेस शरदचंद्र पवार पक्षाचे राज्याचे प्रदेश सरचिटणीस व प्रवक्ते ॲड.राहुल मखरे यांच्या हस्ते अण्णाभाऊ साठेंच्या प्रतिमेला पुष्पहार तर तथागत गौतम बुद्धांच्या मूर्तीस व माजी नगराध्यक्ष, संस्थेचे तत्कालीन अध्यक्ष दिवंगत रत्नाकर (तात्या) मखरे यांच्या प्रतिमेला पुष्प अर्पण करून अभिवादन करण्यात आले. याप्रसंगी वैष्णवी गायकवाड, श्रेया पाटील या विद्यार्थींनींची भाषणं झाली. तसेच शिक्षिका मनिषा जगताप - मखरे यांनी अण्णाभाऊ साठे यांच्या कार्याला आपल्या मनोगतातून उजाळा दिला. यावेळी संस्थेचे सचिव ॲड. समीर मखरे,मुख्याध्यापक साहेबराव पवार, प्राचार्या अनिता साळवे,उपप्राचार्या सविता गोफणे, सर्व शिक्षक -शिक्षकेतर कर्मचारी, विद्यार्थी बहुसंख्येने उपस्थित होते. सूत्रसंचालन नानासाहेब सानप यांनी केले.
