*महाराष्ट्र राज्य प्राथमिक शिक्षक समितीच्या स्थापनेचा ६३ वा वर्धापन दिन हे एक गौरवाचे औचित्य साधून शिक्षक समिती इंदापूर शाखेच्या वतीने एक सामाजिक उपक्रम राबवण्यात आला.*
*इंदापूर येथील श्रावण बाळ अनाथ आश्रमातील मुलांसाठी जीवनावश्यक वस्तू व पखवाज भेट.*
इंदापूर : दिनांक २६ श्रीराम मंदिर इंदापूर येथे असलेल्या श्रावण बाळ अनाथ आश्रमातील मुलांना अशी प्रमाणे याही वर्षी शिक्षक समिती शाखा इंदापूर यांचे वतीने शिक्षक समितीच्या 63 व्या वर्धापन दिनानिमित्त किराणा , स्वच्छता साहित्य व पखवाज भेट देण्यात आले. सुरुवातीला शिक्षक समितीचे संस्थापक भावा शिंपी गुरुजी यांच्या प्रतिमेचे पूजन करण्यात आले. सेवानिवृत्त शिक्षकांचा सन्मान करण्यात आला.
शिक्षक समितीचे जिल्हाध्यक्ष सुनील वाघ यांनी शिक्षक समिती गेली ६० वर्षापासून शाळा विद्यार्थी व शिक्षकांच्या विविध समस्या सोडवण्यासाठी अविरतपणे काम करत आहे. त्याग आणि सेवा हे ब्रीद घेऊन शिक्षकावर होणाऱ्या अन्यायाविरुद्ध सातत्याने लढा उभारण्याचे काम शिक्षक समितीच्या माध्यमातून होत आहे. यावेळी ज्ञानदेव बागल सुनील शिंदे संतोष हेगडे यांनी मनोगते व्यक्त केली. या माध्यमातून मुलांमध्ये सांस्कृतिक जाणीव व संगीतप्रेम जोपासण्याचा उद्देश होता.ही कृती म्हणजे केवळ मदत नव्हे, तर आपुलकीचा हात पुढे करणं आहे — *शिक्षण क्षेत्रात कार्यरत असलेले शिक्षक केवळ ज्ञान देणारेच नाहीत, तर समाज घडविणारे प्रेरणास्त्रोत देखील आहेत, हे यामधून अधोरेखित झालं.*
प्रसंगी शिक्षक समितीचे जिल्हाध्यक्ष सुनील वाघ , जिल्हा उपाध्यक्ष ज्ञानदेव बागल इंदापूर शाखेचे अध्यक्ष सुनील शिंदे जिल्हा नेते हरीश काळे नितीन वाघमोडे संजय लोहार हनुमंत दराडे विलास पानसरे संदिपान लावंड मोहन लोंढे दत्तात्रय मखरे शहाजी पोफळे वामन गायकवाड सतीश खटके विलास शिंदे दिलीप पोळ बापूराव राऊत प्रताप शिरसट भारत ननवरे सुरेश माने सचिन गायकवाड प्रमोदकुमार कुदळे मोहन भगत विकास भोसले मैनुद्दीन मोमीन लतीफ तांबोळी सोपान अवताडे भारत गायकवाड राहुल लांबते विनोद घोगरे सागर रणसिंग रवींद्र लोखंडे मनोहर जाधव सचिन कोळी प्रवीण कुपकर महेश थांबद किरण घाडगे शशिकांत कावळे उपस्थित होते. कार्यक्रमाचे संयोजन संजय भोंग व सरचिटणीस विनय मखरे यांनी केले. प्रास्ताविक विजय पाटील यांनी केले सूत्रसंचालन संजय लोहार यांनी केले व आभार दत्तात्रय लकडे यांनी मानले.
