प्रतिनिधी – खर्ची (ता. एरंडोल):
महाराष्ट्र राज्याचे मुख्यमंत्री मा. देवेंद्र फडणवीस यांच्या ५५व्या वाढदिवसानिमित्त खर्ची (बु.) येथील माध्यमिक विद्यालयात भव्य रक्तदान शिबिराचे आयोजन करण्यात आले. या शिबिरात तब्बल ५५ रक्तदात्यांनी उत्स्फूर्तपणे रक्तदान करत सामाजिक भान जपले.
या उपक्रमाचे आयोजन जिल्हा परिषदेचे माजी सदस्य नानाभाऊ पोपट महाजन व भाजप पदाधिकारी आणि कार्यकर्त्यांच्या वतीने करण्यात आले होते. शिबिराचे उद्घाटन भाजप पश्चिम जिल्हाध्यक्ष राधेश्याम चौधरी यांच्या हस्ते करण्यात आले. त्यांनी अहिरणी भाषेतून ग्रामीण भागातील नागरिकांशी संवाद साधत रक्तदानाचे महत्व पटवून दिले.
कार्यक्रमाचे प्रस्ताविक नानाभाऊ महाजन यांनी केले. यावेळी त्यांनी स्वतः पहिला रक्तदाता म्हणून रक्तदान करून इतरांना प्रेरणा दिली.
कार्यक्रमास उपस्थित मान्यवरांमध्ये...
भाजप पश्चिम जिल्हाध्यक्ष राधेश्याम चौधरी, माजी जि.प. सदस्य जयश्री महाजन, भिका कोळी, तालुका अध्यक्ष योगेश देवरे, सरचिटणीस अमरजीतसिंग पाटील, समन्वयक निलेश परदेशी, तालुका कार्य सदस्य संदीप पाटील, तालुका उपाध्यक्ष आनंदा चौधरी, शेतकी संघ उपाध्यक्ष संजय जाधव, रिंगणगाव माजी उपसरपंच ज्ञानेश्वर हवालदार, गुड्डू रवंजे बु., सरपंच नामदेव महाजन, विखरण सरपंच गोपाल महाजन, विलास पाटील, सरपंच खर्ची बु. आशाताई विठ्ठल महाजन, मकसूद पटेल, शालिक महाजन,अरुण महाजन, पिंटू राजपूत, ज्ञानेश्वर बडगुजर, किरण नन्नवरे, शेखर महाजन यांचा समावेश होता.
रक्त संकलनासाठी रेड प्लस ब्लड बँक जळगावचे प्रमुख अकबर अली सय्यद व त्यांच्या कर्मचाऱ्यांनी विशेष परिश्रम घेतले.
कार्यक्रमाच्या यशस्वीतेसाठी महाविद्यालयातील शिक्षक, शिक्षिका, विद्यार्थी आणि भाजप कार्यकर्त्यांचे मोलाचे योगदान लाभले.
हा कार्यक्रम रक्तदानाच्या माध्यमातून समाजसेवेचे भान जागृत करणारा ठरला. रक्तदात्यांचे विशेष कौतुक करण्यात आले.
