नगर प्रतिनिधी :
शिर्डी नगरपरिषद निवडणूक २०२५ च्या वातावरणात आता प्रभाग क्रमांक ९ मध्ये राजकीय रंगत चढली आहे. श्री. दिपक रमेश गोंदकर यांच्या उमेदवारीची अधिकृत घोषणा होताच स्थानिक राजकीय समीकरणांमध्ये चैतन्य निर्माण झाले आहे. त्यांच्या शांत, सुसंस्कृत आणि नागरिकांशी सातत्याने जोडलेल्या कार्यशैलीमुळे प्रभागात वेगळ्याच उत्साहाची हवा आहे. उमेदवारी नोंदविताच ज्येष्ठ नागरिक, महिला आणि युवकांचा मिळणारा पाठिंबा लक्षवेधी ठरत आहे.
समाजकारणावर आधारित प्रवास आणि ‘लोकसेवक’ भूमिका,
“नेता नाही… आपल्या परिसरासाठी धावपळ करणारा आपला माणूस” अशी त्यांची प्रतिमा तयार झाल्यामुळे मतदारांमध्ये त्यांच्या नावाबद्दल आपलेपणा जाणवत आहे. त्यांची भूमिका स्पष्ट आहे: “लोकप्रतिनिधी नव्हे… लोकसेवा हीच प्राथमिकता!”
प्रभाग ९ साठी महत्त्वाकांक्षी संकल्प: घरकुल आणि मूलभूत सुविधा,
शिर्डीचा वेगाने विस्तार होत असताना प्रभाग ९ मध्ये मूलभूत सोयींबरोबरच महत्त्वाच्या प्रश्नांकडे लक्ष देण्याची गरज आहे. नागरिकांनी मांडलेल्या अडचणींची दखल घेऊन श्री. गोंदकरांनी “मूलभूत सुविधा प्राधान्याने!” असा संकल्प जाहीर केला आहे.
यामध्ये त्यांनी विशेषत्वाने नमूद केले की, प्रभाग ९ मधील प्रामुख्याने आंबेडकर नगर व नाला रोडवरील रहिवाशांचा घरकुलाचा प्रश्न ते राज्याचे महसूल मंत्री नामदार राधाकृष्ण विखे पाटील आणि माजी खासदार डॉ. सुजयदादा विखे पाटील यांच्या माध्यमातून लवकरात लवकर मार्गी लावणार आहेत. स्थानिक नागरिकांचा विश्वास आहे की, त्यांच्या उमेदवारीमुळे प्रभाग विकासाची गती निश्चितच बदलू शकते.
रमेश भाऊ गोंदकर आणि गोपीनाथ बापू गोंदकर यांच्या मार्गदर्शनाखाली आंबेडकर नगर नाला रोड घरकुल प्रश्न मार्गी लावण्यासाठी नियोजनबद्ध पद्धतीने काम सुरू आहे. त्यांच्या नेतृत्वामुळे नागरिकांची दीर्घकाळ प्रलंबित असलेली समस्या सोडविण्याकडे सकारात्मक वाटचाल सुरू झाली आहे.
वरिष्ठ नेतृत्वाचे समर्थन, स्थानिक जनसंपर्क आणि वैयक्तिक सेवाभावी वृत्ती यांचा त्रिवेणी संगम झाल्याने त्यांची बाजू अधिक मजबूत मानली जात आहे.
महिला व युवकांचा विश्वास आणि सहकार्य,
दिपक गोंदकर यांनी गेल्या काही वर्षांपासून राबवलेल्या विविध सामाजिक उपक्रमांमुळे त्यांच्याविषयी युवक आणि महिलांमध्ये विश्वास वाढला आहे. परिसरातील सुरक्षा, स्वच्छता व सक्षमीकरणाबाबत त्यांची भूमिका स्पष्ट असल्याने या वर्गाचा पाठिंबा वाढत आहे.
सर्वांगीण विकासासाठी कटिबद्ध! – दीपक गोंदकर
आपल्या निवडणूक भूमिकेबाबत बोलताना ते म्हणाले: “प्रभाग ९ मधील प्रत्येक नागरिक माझ्या कुटुंबाचा सदस्य आहे. स्वच्छता, उत्तम रस्ते, योग्य पाणीपुरवठा व सुरक्षित परिसर या गोष्टी मिळवून देणे हे माझे कर्तव्य आहे. पदाचा उपयोग मिरवण्यासाठी नव्हे… तर खऱ्या अर्थाने लोकसेवा करण्यासाठी करेन.
त्यांच्या या तळमळीच्या भूमिकेमुळे प्रभागातील सुज्ञ मतदारांमध्ये त्यांचे विशेष कौतुक होत आहे.
