एरंडोल (जळगाव) : रा. ति. काबरे विद्यालयात भारताचा ७६ वा संविधान दिवस उत्साहात साजरा करण्यात आला. कार्यक्रमाची सुरुवात प्रमुख अतिथी ऍडव्होकेट प्रकाशजी बिर्ला व सामाजिक कार्यकर्ते शालिकभाऊ गायकवाड यांच्या हस्ते डॉ. बाबासाहेब आंबेडकर यांच्या प्रतिमेस माल्यार्पण करून झाली. शालेय समितीचे चेअरमन अनिलभाऊ बिर्ला, सहसचिव धीरजभाऊ काबरे, संचालक परेशभाऊ बिर्ला व सतीशभाऊ परदेशी, मुख्याध्यापक एस. एस. राठी, उपमुख्याध्यापक पी. एच. नेटके व पर्यवेक्षक पी. एस. नारखेडे यांनी कार्यक्रमाला उपस्थिती दर्शविली.
व्हि. टी. पाटील यांनी विद्यार्थ्यांना संविधानाचा अर्थ व मूलभूत तत्त्वांची माहिती दिली. त्यानंतर विद्यार्थ्यांची भव्य रॅली काढण्यात आली. डॉ. बाबासाहेब आंबेडकरांच्या पुतळ्यास पुष्पांजली अर्पण करून संविधान दिनाच्या घोषणा देण्यात आल्या. विद्यार्थ्यांनी संविधानाचे सामूहिक वाचन करीत दिवसाचे औचित्य साधले. उत्साह, देशभक्ती आणि जागरूकतेच्या वातावरणात संविधान दिवस साजरा करण्यात आला.
