नगराध्यक्षपदासाठी प्रथमच मुस्लिम चेहरा लोकप्रियतेत सरस राजकीय समीकरणांमध्ये उलथापालथीची चिन्हे
*राजकीय विश्लेषकांचा स्पष्ट अंदाज :“यावेळी बदल अटळ!”
श्रीरामपूर / प्रतिनिधी :
श्रीरामपूर नगर परिषद सार्वत्रिक निवडणूक २०२५ च्या पार्श्वभूमीवर शहरात राजकीय तापमान चांगलेच वाढले आहे. भाजप- राष्ट्रवादी (अ.प.) महायुतीचे श्रीनिवास बिहाणी, काँग्रेस - राष्ट्रवादी (श.प.) मित्रपक्षांचे करण ससाणे, शिवसेना (शिंदे) चे प्रकाश चित्ते, शिवसेना (उ.बा.ठा) चे अशोक थोरे आणि समाजवादी पार्टीचे शेख जोएफ युनूस जमादार व इतर अशा बहुरंगी उमेदवारांमुळे यावेळी नगराध्यक्षपदाची लढत अधिक रंगतदार झाली आहे.
श्रीरामपूर हे सर्व धर्मीय सलोखा, परस्पर मैत्रीपूर्ण सहजीवन आणि सामाजिक सौहार्दासाठी राज्यभर प्रसिद्ध शहर. मात्र अलीकडच्या काही घटना आणि राजकीय हालचालींमुळे शहराच्या शांततेला काहींची नजर लागल्यासारखं वातावरण निर्माण झालं होतं. तरीसुद्धा येथील नागरिकांची परिपक्वता, शांतता आणि परिस्थिती हाताळण्याची क्षमता यामुळे “श्रीरामपूर हे सलोख्याचे शहर” ही ओळख अजूनही ठाम आहे.
*नागरीकांचा संताप : ठप्प विकास, खड्डेमय रस्ते, दूषित पाणीपुरवठा*
निवडणुकीत शहरातील प्रलंबित प्रश्नांचीच चर्चा सर्वाधिक रंगताना दिसते.
घनकचऱ्याचा कायम राहिलेला उग्र प्रश्न,पिण्याच्या नळातून येणारे दूषित, दुर्गंधीयुक्त पाणी,प्रचंड खराब झालेले शहरातील रस्ते, तक्रारींकडे दुर्लक्ष करणारी प्रशासनाची शिथिलताआणि तेच ते पुढारी, तीच ती आश्वासने
या सर्वांचा कंटाळा आलेला मतदार वर्ग यावेळी “नवीन चेहरा, नवीन नेतृत्व” शोधताना दिसत आहे.
*समाजवादी पक्षाचा ‘क्लीन’ चेहरा पुढे : जोएफ जमादारांचे उदय*
समाजवादी पार्टीने पक्षाचे जिल्हाध्यक्ष तथा सामाजिक कार्यकर्ते शेख जोएफ युनूस जमादार यांना नगराध्यक्ष पदासाठी मैदानात उतरवून शहरातील राजकीय समीकरणात मोठी खळबळ उडवली आहे.
जोएफ जमादार यांनी प्रचारात विक्रमी मुसंडी मारली असुन शहराच्या प्रत्येक वॉर्डातील घर ना घर आणी प्रत्येकाच्या भेटी - गाठी यासोबतच जनतेचे प्रश्न समजून घेताना ते स्वतः प्रत्यक्ष प्रत्येक वॉर्डा- वॉर्डात दिसून येत आहेत, त्यांचा सरळ, साधा पण कणखर स्वभाव, सर्वसमावेशक कार्यपद्धती, नागरी समस्यांवर अखंड पाठपुरावा, समस्त नागरी समस्यांप्रश्नी वेळोवेळी केलेली आंदोलनांमुळे गेल्या काही वर्षांत ओळखले गेलेले संघर्षमय नेतृत्व यामुळे शहरातील जागरुक मतदारांमध्ये त्यांच्या नावाला जोरदार पसंती मिळत आहे.
*७० वर्षांत प्रथमच नगराध्यक्षपदावर मुस्लिम नेतृत्व?*
श्रीरामपूर नगरपालिकेच्या ७० वर्षांच्या इतिहासात एकही मुस्लिम नगराध्यक्ष झालेला नाही. मात्र यावेळी परिस्थिती वेगळी दिसत असून,
“जोएफ जमादार हेच विजयी होतील”
असा सूर अनेक राजकीय विश्लेषक आणि शहरातील अभ्यासक मतदार व्यक्त करताना दिसत आहेत.
शहरातील अनेकांमध्ये अशी भावना दिसून येते की,
> “या वेळी धार्मिक किंवा जातीय समीकरणांपेक्षा कार्यक्षम, तडफदार आणि पारदर्शी नेतृत्व हवे… आणि त्यात जोएफ जमादार सर्वात भक्कम उमेदवार असल्याचे दिसून येत आहेत.”
*अनेक उमेदवारांची लढत,परंतु ‘एकच’ ठरणार विजयी
निवडणूक म्हणजे अनिश्चिततेचा खेळ. मैदानात कितीही उमेदवार असले, तरी शेवटी विजयी ठरतो तो एकच! आणि आत्ताच्या राजकीय हवा, नागरिकांचा प्रतिसाद, चर्चा आणि शहरातील जनभावना पाहता
तो ‘एक’ उमेदवार म्हणजे जोएफ जमादार अशीच परिस्थिती उभी राहत आहे.
*शेवटी निर्णय मतदार राजाचाच
जागरुक मतदार, बदलाची इच्छा, विकासाचा आग्रह आणि स्वच्छ नेत्याचा शोध या सर्वांचा संगम या निवडणुकीत दिसत आहे.
आता अंतिम निर्णय दिनांक २ डिसेंबर २०२५ रोजी मतदार राजाच्या बोटावर आणि त्याच्या ईव्हीएमवरील बटणावर दिसणार आहे हे मात्र निश्चित.
