शिवाजी विद्यापीठ, कोल्हापूर येथे आयोजित ५ व्या राज्यस्तरीय पॅरा अॅथलेटिक्स स्पर्धेत अहिल्यानगर जिल्ह्याच्या चार खेळाडूंनी उल्लेखनीय कामगिरी करीत जिल्ह्याचे नाव अभिमानाने उंचावले.
अहिल्यानगरचे स्पर्धेत सहभागी झालेले खेळाडू —
-
मेजर पंकज बापुसाहेब आढाव
-
नितीन किशोर वाबळे
-
अक्षय विश्वनाथ चौधरी
-
अक्षय विजय जेजुरकर
या खेळाडूंनी Running, Long Jump (लांब उडी), Javelin Throw (भाला फेक), Discuss Throw (थाळी फेक) आणि Shot Put (गोळा फेक) या विविध विभागांमध्ये उत्कृष्ट प्रदर्शन करत उपस्थितांचे लक्ष वेधून घेतले.
स्पर्धेदरम्यान या खेळाडूंनी दाखवलेली जिद्द, शिस्त, समर्पण आणि तांत्रिक कौशल्य विशेष कौतुकास्पद ठरले. दिव्यांगत्वावर मात करत त्यांनी राज्यभरातील प्रतिस्पर्ध्यांना कठोर आव्हान दिले. त्यांच्या चिकाटीची व जिंकण्याच्या जिद्दीची सर्वत्र प्रशंसा होत आहे.
अहिल्यानगरच्या या चारही खेळाडूंनी आता राष्ट्रीय स्तरावर पदक जिंकण्याचे ध्येय ठेवले असून, त्यांच्या या यशाचा जिल्ह्यात सर्वत्र गौरव केला जात आहे. त्यांच्या कामगिरीने अनेक तरुण खेळाडूंना प्रेरणादायी उदाहरण मिळाले आहे.
— अहिल्यानगरकडून या सर्व विजेत्या खेळाडूंना मनःपूर्वक शुभेच्छा!


