कनेरसर :- (ता. खेड जि. पुणे) येथे यमाई माता देवस्थान असून संपूर्ण महाराष्ट्रातून दर्शनासाठी भाविक येत असतात. परंतु येथील यमाई माता देवस्थान ट्रस्ट संदर्भात विविध प्रकरणे न्यायप्रविष्ठ असून सध्या सह- धर्मदायआयुक्त, पुणे यांच्याकडून प्रशासकीय कमिटी नेमण्यात आलेली आहे. सध्या न्यायमूर्ती स्वाती नाईकनवरे, तहसीलदार प्रशांत बेडसे, वरिष्ठ पोलीस निरीक्षक सुभाष चव्हाण, सह-धर्मदाय आयुक्त कार्यालय, पुणे प्रतिनिधी कांबळे मॅडम हे ट्रस्टमध्ये आहेत. व या प्रशासकीय कमिटीच्या मार्फत येथील सर्व प्रकारचे कामकाज गेले अनेक वर्षापासून चालू आहे.
प्रशासकीय कमिटी चांगल्या पद्धतीने काम करत असली तरी प्रशासकीय कमिटीकडे मोठ्या प्रमाणात शिल्लक रक्कम असताना मंदिर परिसरात अनेक(प्रश्न/समस्या आहेत) गोष्टी होण्याची गरज ग्रामस्थांच्या लक्षात आल्याने ग्रामस्थांनी प्रशासकीय कमिटीला विनंतीअर्ज करून देवस्थान संदर्भात विविध विकास कामे व इतर बाबीतीत निवेदन सादर केले आहे.
या निवेदनामध्ये
१) यमाई देवी संपूर्णमंदिराचे रंगकाम करून मंदिराचे सौंदर्य पुनर्प्रस्थापित करणे. -गेले कित्येक दिवस मंदिराचे रंगकाम, डागडुगी करण्यात आली नसल्यामुळे मंदिराचे सुशोभीकरण होणे गरजेचे आहे अतिशय सुंदर असणाऱ्या मंदिराचे नव्याने रंगकाम करून सुशोभीकरण होणेगरजेचे आहे.
२) मंदिर परिसरात स्वच्छता व देखभाल सुनिश्चित करावी-महाराष्ट्रातूनविविध ठिकाणाहून भाविक मोठ्या संख्येने या ठिकाणी येत असल्यामुळे स्वच्छतागृह, मंदिरपरिसर, मंगल कार्यालय परिसर, स्वच्छ असणे आवश्यक आहे. परंतु त्याकडे दुर्लक्ष होत असल्याचे ग्रामस्थांच्या निदर्शनास येत आहे. स्वच्छतागृहामध्ये स्वच्छता वेळेत होत नसल्यामुळे दुर्गंधी पसरलेली जाणवते.
३) मंदिर ट्रस्ट कडून नियुक्त सफाई कर्मचाऱ्यांकडूनच मंदिर परिसराची स्वच्छता व्हावी, व्यवस्थित देखभाल व्हावी, पारंपरिक पूर्वपार पद्धतीनेचालत आलेल्या प्रथेनुसार मानाच्या परडी वाले यांना विशिष्ट मान आणि दर्जा आहे. भक्त आदराने देवीच्यापरडीची पूजा करतात. अशा परडी वाल्या व्यक्तींना परिसर स्वच्छता कामासाठी त्यांचा वापर करू नये. प्रशासन कमिटी कडून नियुक्त मानधनावरील स्वच्छता कर्मचाऱ्यांनी ही भूमिका पार पाडावी.
४) देवस्थान ट्रस्ट मॅनेजर पदभरती त्वरित करून व्यवस्थापन चांगल्या पद्धतीने व्हावे
५) देवस्थान अंतर्गत चालवण्यात येणाऱ्या मंगल कार्यालयामधील लग्न समारंभ, व इतर कार्यक्रमासाठी आकारण्यात येणाऱ्या भाड्यामध्ये इतरांपेक्षा ग्रामस्थांनाअत्यल्प दराची सवलत मिळावी.
वरील प्रमाणे काही ठळक महत्त्वाचे बाबी अर्जात नमूद करून या गोष्टींची पूर्तता व्हावी अशी ग्रामस्थांनी प्रशासन कमिटीला दिलेल्या विनंती अर्जात केली आहे.
याशिवाय ग्रामस्थांची अशी अपेक्षा आहे की, सह- धर्मदाय आयुक्तांकडून नेमलेल्या प्रशासकीय कमिटीला अनेक वर्ष झालेली आहेत. ग्रामदैवत हे ग्रामस्थांचे श्रद्धास्थान असल्याने गावचीच देवस्थान कमिटी असावी.त्यामुळे नव्याने ग्रामस्थांमधून यमाई देवस्थान ट्रस्ट कमिटी ची स्थापना करून, त्या कमिटीच्या मार्फत नवीन सभासद करून निवडणूक प्रक्रिया राबून लोकनियुक्त कमिटी प्रस्थापित व्हावी.
या निवेदनासंदर्भात पाठपुरावा करण्याचे काम Adv महेशराव गोगावले,Adv सुहास दौंडकर, प्रा. डॉ. बाळासाहेब माशेरे, लालचंद दौंडकर, बबनराव दौंडकर, विष्णू दौंडकर, निलेश हजारे, अतुल कानडे, ज्ञानेश्वर म्हसुडगे, एकनाथ दौंडकर यांनी केले.
