लोकप्रतिनिधी नाही, तर लोकसेवक म्हणून काम करणार! - श्री. सौरभ विठ्ठल हाडवळे यांचा संकल्प
नगर प्रतिनिधी:
शिर्डी नगरपरिषद सार्वत्रिक निवडणूक २०२५ च्या रणधुमाळीला सुरुवात झाली. या १० क्रमांक प्रभागातून श्री. सौरभ विठ्ठल हाडवळे यांची उमेदवारी जाहीर होताच स्थानिक समीकरणे बदलली असून, त्यांच्या साध्या आणि सेवाभावी व्यक्तिमत्त्वामुळे निवडणुकीत वेगळीच रंगत निर्माण झाली आहे. उमेदवारी जाहीर होताच प्रभागातील ज्येष्ठ नागरिक, महिला आणि युवकांकडून मिळणारा प्रतिसाद लक्षणीय ठरत आहे.
साधेपणातून रुजलेले समाजकारण,
राजकारणात बडेजाव न करता, शांत आणि संयमी स्वभावाने काम करणारे कार्यकर्ता म्हणून श्री. सौरभ विठ्ठल हाडवळे यांची ओळख आहे. त्यांचा हा प्रवास एका रात्रीत घडलेला नसून, तो अनेक वर्षांच्या सामाजिक संपर्कातून विकसित झाला आहे. प्रभागातील स्वच्छता आणि रस्ते यांसारख्या मूलभूत प्रश्नांवर त्यांनी सातत्याने आवाज उठवला आहे. "नेता नाही, तर आपल्या हक्काचा कार्यकर्ता" अशी त्यांची प्रतिमा निर्माण झाल्याने, सामान्य मतदारांना ते आपलेसे वाटत आहेत.
प्रभाग १० आणि विकासाची आव्हाने,
शिर्डी शहराचा विस्तार होत असताना प्रभाग क्र. १० मधील लोकसंख्या आणि गरजाही वाढल्या आहेत. सध्या प्रभागात नियमित पाणीपुरवठा, सांडपाणी व्यवस्थापन, रस्त्यांचे नूतनीकरण आणि पथदिवे यांसारख्या सुविधांची वानवा असल्याचे नागरिक बोलून दाखवत आहेत. श्री. सौरभ विठ्ठल हाडवळे यांनी या समस्यांवर काम करण्याचा संकल्प केला असून, त्यांच्या उमेदवारीमुळे प्रभाग विकासाला गती मिळेल, असा विश्वास स्थानिक व्यक्त करत आहेत.
महिला आणि युवकांचा वाढता पाठिंबा
गेल्या काही काळात श्री. हाडवळे यांनी महिलांच्या आरोग्य शिबिरांच्या माध्यमातून आणि स्वयंसहायता गटांशी साधलेल्या संवादामुळे महिला वर्गात अढळ स्थान निर्माण केले आहे. महिलांची सुरक्षितता आणि सक्षमीकरण हा त्यांच्या अजेंड्यातील प्रमुख विषय आहे. त्यांच्या उमेदवारीमुळे प्रभागातील महिलांच्या आशा पल्लवित झाल्या आहेत.
वरिष्ठ नेतृत्वाचे भक्कम पाठबळ,
विशेष म्हणजे, काँग्रेसचे ज्येष्ठ नेते श्री. बाळासाहेब थोरात आणि सौ. प्रभावती घोगरे यांचा भक्कम आशीर्वाद व सक्रिय पाठिंबा श्री. सौरभ विठ्ठल हाडवळे यांना लाभला आहे. वरिष्ठ नेतृत्वाचे मार्गदर्शन आणि स्थानिक जनसंपर्क यांचा मेळ जुळून आल्याने हाडवळे यांची बाजू अधिक मजबूत झाली आहे. त्यांच्या नेतृत्वाला मिळालेला हा पाठिंबा प्रभागाच्या राजकीय वातावरणात नवा उत्साह निर्माण करणारा ठरत आहे.
लोकसेवक म्हणून काम करण्याची बांधिलकी
निवडणुकीतील आपल्या भूमिकेविषयी बोलताना श्री. सौरभ विठ्ठल हाडवळे म्हणाले,
प्रभाग क्र. १० मधील प्रत्येक नागरिक हा माझ्या कुटुंबाचा भाग आहे. पिण्याचे पाणी, उत्तम रस्ते आणि स्वच्छ परिसर हा नागरिकांचा मूलभूत अधिकार आहे आणि तो मिळवून देणे हे माझे कर्तव्य आहे. मी लोकप्रतिनिधी म्हणून मिरवण्यापेक्षा 'लोकसेवक' म्हणून काम करण्यावर भर देणार आहे. प्रभागाचा सर्वांगीण विकास करण्यासाठी मी कटिबद्ध आहे.
कोरोना काळात सामाजिक बांधिलकी जपत ३५० वाफेच्या मशीनचे मोफत वितरण करण्यात आले तसेच ५०० घरांपर्यंत घरगुती कोरोना प्रतिबंधक औषधांचा पुरवठा करण्यात आला. बारापूर येथे विविध उपक्रमांतर्गत चित्रकला स्पर्धांसारख्या कार्यक्रमांचे आयोजन करून नागरिकांमध्ये जनजागृती घडवण्यात आली. मुख्य गणेशवाडी रोडच्या प्रश्नांबाबत सातत्याने पाठपुरावा करत आंदोलनेही करण्यात आली. या सर्व उपक्रमांमुळे परिसरातील नागरिकांना मोठा दिलासा मिळाला असून सामाजिक कार्याची भक्कम छाप उमटली आहे.
त्यांच्या या भूमिकेमुळे प्रभागातील नागरिक, महिला वर्ग आणि युवकांकडून त्यांचे विशेष कौतुक होत आहे.
