जगदीश का. काशिकर,
मुक्त पत्रकार व गुंतवणुक/रोजगार - नोकरी/कामगार समस्या/कायदे सल्लागार, मुंबई, महाराष्ट्र. व्हाटसअप – ९७६८४२५७५७.
राज्यात सध्या एक महत्त्वाचा प्रश्न चर्चेत आहे — राज्य महिला आयोगाच्या अध्यक्षपदासाठी नेमकं कोणाचं नाव पुढे येणार? आणि या चर्चेच्या केंद्रस्थानी आहेत भाजपच्या आक्रमक नेत्या.
चित्रा वाघ — सक्षम दावेदार?
महिलांच्या प्रश्नांवर सातत्याने आवाज उठवणाऱ्या आणि आक्रमक भूमिका घेणाऱ्या चित्रा वाघ यांना या पदासाठी योग्य मानणाऱ्यांची संख्या मोठी आहे.
त्यांचा अनुभव, त्यांची शैली आणि त्यांचा थेट दृष्टिकोन — हे सर्व पाहता त्या महिला आयोगाचं कामकाज प्रभावीपणे सांभाळू शकतात, असं अनेकांचं मत आहे.
मग विरोध का आणि कोणाचा?
राजकारणात फक्त क्षमता पुरेशी नसते, तर समीकरणंही महत्त्वाची असतात…
पक्षांतर्गत राजकारण महत्त्वाचे भाजपमध्येच काही गटांमध्ये मतभेद असल्याची चर्चा आहे. प्रत्येकाला आपापला प्रभाव टिकवायचा आहे. त्यामुळे एका नावावर एकमत होणं सोपं नाही.
युतीतील समीकरणं
राज्यातील सत्ताधारी युतीत हे पद कोणाच्या वाट्याला जाणार, हा मोठा प्रश्न आहे. भाजप, शिवसेना (शिंदे गट) आणि राष्ट्रवादी (अजित पवार गट) — या तिन्ही पक्षांमध्ये सत्तेची विभागणी करताना प्रत्येक पद महत्त्वाचं ठरतं. सध्या हे पद राष्ट्रवादी अजित पवार गटाच्या रूपाली चाकणकर यांच्याकडे होते.
महिला आयोग — राजकीय की सामाजिक?
हे पद केवळ राजकीय वाटाघाटींचा भाग आहे का, की खरोखरच महिलांच्या हक्कांसाठी काम करणाऱ्या व्यक्तीकडे जाणार आहे? हा सवाल जनतेतून विचारला जातोय.
जनतेची अपेक्षा काय?
महिला आयोगाच्या अध्यक्षपदी अशी व्यक्ती हवी जी केवळ नावापुरती नसेल, तर प्रत्यक्षात महिलांसाठी लढेल, न्याय मिळवून देईल आणि प्रशासनाला जबाबदार धरेल. महिलांना न्याय मिळण्यासाठी लोकांची या पदा करून फार अपेक्षा असते.
आजचा प्रश्न फक्त चित्रा वाघ यांच्यापुरता मर्यादित नाही…
तर तो आहे — राजकारण जिंकणार की महिलांचे प्रश्न?
सांगा बरं तुमच्या मते महिला आयोगाचं अध्यक्षपद कोणाला मिळायला हवं?
चित्रा वाघ यांना राज्य महिला आयोगाच्या अध्यक्षा पदावर बघायला आवडेल का?
000
