प्रतिनिधी मोहन शेगर सोनई
सोनई | दि. २३ सप्टेंबर २०२६
सोनई येथील सुजाता इंटरनॅशनल स्कूल अँड ज्युनिअर कॉलेजमध्ये दहा दिवस भक्तिमय, आनंदी आणि उत्साहपूर्ण वातावरणात गणेशोत्सव साजरा करण्यात आला. विविध धार्मिक, सांस्कृतिक आणि मनोरंजनात्मक कार्यक्रमांनी संपूर्ण विद्यालय परिसरात उत्साहाचे वातावरण निर्माण झाले होते. गणेशोत्सवाच्या सांगतेनिमित्त दि. २३ सप्टेंबर २०२६ रोजी गणेशमूर्तीचे विधिवत विसर्जन करण्यात आले.
विसर्जनापूर्वी आयोजित करण्यात आलेल्या आरतीचा मान सुजाता इंटरनॅशनल स्कूल अँड ज्युनिअर कॉलेजचे अध्यक्ष *आदरणीय किरण सर* यांच्या हस्ते पार पडला. यावेळी संस्थेतील शिक्षकवृंद, शिक्षकेतर कर्मचारी, विद्यार्थी तसेच उपस्थित भक्तांनी भक्तिभावाने गणरायाची आरती केली.
गणेशोत्सवाच्या दहा दिवसांच्या कालावधीत विद्यालयात विविध उपक्रम आणि कार्यक्रमांचे आयोजन करण्यात आले होते. यामध्ये विशेषतः महिला स्पर्धांचे आयोजन करण्यात आले होते. महिलांनी उत्स्फूर्त सहभाग नोंदवत या स्पर्धांना चांगला प्रतिसाद दिला. विविध स्पर्धांमध्ये विजयी झालेल्या सहभागींचा उत्साह वाढविण्यासाठी बक्षीस वितरण समारंभाचे आयोजन करण्यात आले.
दहा दिवसांच्या उत्सवाची सांगता होत असताना विसर्जनाच्या दिवशी विद्यालयाच्या वतीने महाप्रसादाचा कार्यक्रम आयोजित करण्यात आला. शिक्षक, विद्यार्थी, कर्मचारी आणि उपस्थित भक्तांनी महाप्रसादाचा लाभ घेतला.
गणरायाला निरोप देताना विद्यार्थ्यांसह उपस्थितांनी भक्तिभावाने सहभाग घेतला. *“गणपती बाप्पा मोरया, पुढच्या वर्षी लवकर या” अशा* जयघोषाने परिसर दुमदुमून गेला. आनंद, उत्साह आणि भक्तिमय वातावरणात गणेशमूर्तीचे विसर्जन करण्यात आले.
या संपूर्ण गणेशोत्सवाच्या यशस्वी आयोजनासाठी संस्थेचे अध्यक्ष आदरणीय किरण सर, शिक्षकवृंद, शिक्षकेतर कर्मचारी आणि विद्यार्थ्यांनी परिश्रम घेतले. दहा दिवसांच्या उत्सवातून भक्ती, संस्कृती, सहभाग आणि सामाजिक एकोप्याचा सुंदर संदेश देत सुजाता इंटरनॅशनल स्कूल अँड ज्युनिअर कॉलेजमध्ये गणेशोत्सवाची उत्साहात सांगता झाली.
