भिमाई आश्रमशाळेत सावित्रीबाईंना स्मृतिदिना निमित्त अभिवादन !!
इंदापूर प्रतिनिधी: ( १०मार्च २१ ) :- येथील मातोश्री रमाबाई आंबेडकर विद्यार्थी वसतिगृह ट्रस्टच्या वतीने क्रांतिज्योती सावित्रीबाई फुले यांचा स्मृतिदिन साजरा करण्यात आला.
यावेळी सावित्रीबाईंच्या प्रतीमेस संस्थाप्रमुख व इंदापूर नगरीचे माजी नगराध्यक्ष रत्नाकर मखरे यांच्या हस्ते पुष्पहार अर्पण करून अभिवादन करण्यात आले.
यावेळी रत्नाकर मखरे म्हणाले की, महिला, बहुजन समाजातील लोकांना अत्याचाराविरुद्ध आवाज उठवून शिक्षणाची कवाडे खुली करून देणाऱ्या पैकी एक म्हणजे सावित्रीबाई फुले होत. सावित्रीबाईंनी अनंत अडचणीवर मात करून आपले संपूर्ण आयुष्य स्रीयांच्या न्याय हक्कासाठी वेचले. प्रथम शिक्षिका म्हणून सावित्रीबाईंनी स्री शिक्षणाचा पाया रचला.
