आता जाणावे सर्वांचे हीत
विनाकारणे न पसरावे चित्त
बैसौनी वर्तावे आपुल्या घरांत
रोगप्रसार टाळण्या !! १ !!
वेळ साधोनी करा बातचीत
अंतर ठेवोनी तिन हात
नमस्काराची पाळावी रीत
रोगप्रसार टाळण्या !! २ !!
वेळोवेळी धुवोनिया हात
नाकतोंड झाका रूमालांत
आग्रहे पाळावे ऐशा व्रतास
रोगप्रसार टाळण्या !! ३ !!
रोग टाळण्या बैसता घरांत
धर्मपत्नीचे जपावे हीत
उठता बसता करावी मदत
रोगराई टाळण्या !! ४ !!
प्रातः काळी जोडोनिया हात
स्मरण करावे परमेश्वरास
योग व्यायाम करावे एकचित्त
रोगराई टाळण्या !! ५ !!
आले आहे विषाणू संकट
कामे उरकावी झटपट
आळसाचा नसावा दिनपट
रोगराई टाळण्या !! ६ !!
वनौषधींचे गुणदोष जाणोनी
काढा प्यावा एकत्र बैसोनी
कुटूंब हितास्तव ऐशी करणी
रोगराई टाळण्या !! ७ !!
ऐसे केलीयाचे फळ
रोग कोरोना स्वयेची पळेल
कुटूंब निरोगी स्वास्थ्य टिकेल
रोगराई टाळता !! ८ !!
इतिश्री चंद्रकांत शहासने विरचीतं कोरोना रोगराई प्रतिबंधात्मक वर्तनाष्टकं संपूर्णम् !!
रचनाकार : चंद्रकांत शहासने
देशभक्तकोशकार, पुणे.
मोबाईल : ९८८१३७३५८५
