डॉ बाबासाहेब आंबेडकर जयंती निमित्त यशवंत सामाजिक प्रतिष्ठानच्या वतीने नेवाशातील सरपंचाना संविधान पुस्तक भेट

प्रशांत गडाख यांच्या संकल्पनेतुन राबवला उपक्रम

प्रतिनिधी, मोहन शेगर, सोनई 

14 एप्रिल महामानव डॉ बाबासाहेब आंबेडकर यांची जयंती सर्वत्र मोठ्या उत्साहात संपन्न होते.यावर्षी कोरोनाचा सर्वत्र मोठ्या प्रमाणावर प्रादुर्भाव असल्याने सार्वजनिक कार्यक्रम ,मिरवणूक इत्यादींवर बंदी आहे परंतु ज्या महामानवाने देशाला सर्वोच्च राज्यघटना दिली त्या महामानावाच्या  जयंती निमित्त प्रशांत गडाख अध्यक्ष यशवंत सामाजिक प्रतिष्ठान यांनी नेवासा तालुक्यातील 114 गावांतील सरपंचांना भारताची राज्यघटना देण्याचा संकल्प केला त्यानुसार 14 एप्रिल 2021 रोजी आदर्शगाव मोरयाचिंचोरे येथे संजय काचोळे उपविभागीय कृषी अधिकारी श्रीरामपूर यांचे हस्ते सौ सुवर्णा पटारे सरपंच लोहोगाव, सौ जयश्री मंचरे सरपंच आदर्शगाव मोरयाचिंचोरे,धनंजय वाघ सरपंच सोनई ,सौ सोनाली खंडागळे सरपंच वांजोळी,संदीप सोनकांबळे सरपंच खडका या नेवासा तालुक्यातील सरपंचाना प्रातिनिधिक स्वरूपात भारताचे संविधान भेट देण्यात आले यावेळी सर्व  कोरोना नियमांचे पालन करण्यात आले.

पंचायत राज व्यवस्थेचा कणा असलेल्या सरपंच बंधू ,भगिनींना ग्रामपातळीवर काम करतांना सहकार्य व्हावे जनतेचे प्रश्न त्यांचेकडून तात्काळ सोडवण्यात यावे यासाठी मार्गदर्शक व बहुउपयोगी असलेले भारताचे संविधान  प्रशांत गडाख यांच्या संकल्पनेतून  भेट देण्यात आले.महामानव  डॉ बाबासाहेब आंबेडकर यांच्या जयंतीनिमित्त संविधान भेट देऊन आमचा सन्मान केला व ते आम्हाला ग्रामपातळीवर काम करतांना निश्चितच उपयोगी राहील.प्रशांत गडाख यांचेमुळे आज आम्हाला आगळी वेगळी डॉ आंबेडकर जयंती साजरी करण्याची संधी मिळाली अशी प्रतिक्रिया सोनईचे सरपंच धनंजय वाघ यांनी व्यक्त केली.

तसेच नेवासा तालुक्यातील सर्वच 114 गावातील सरपंच बंधु ,भगिनींनाही भारताचे संविधान  प्रतिष्ठानचे प्रतिनिधी कोरोना नियमांचे पालन करून संविधान घरपोहोच भेट देण्यात येणार आहे.तसेच या बरोबरच प्रशांत गडाख यांनी सरपंच यांचेशी संवाद साधणारे व संविधानाचे महत्व साधणारे पत्रही सरपंच यांना देण्यात आले आहे..

आदर्शगाव मोरयाचिंचोरे ता नेवासा येथे 5 गावांतील सरपंचांना यशवंत सामाजिक प्रतिष्ठानच्या वतीने भारताचे संविधान संजय कचोळे उपविभागीय कृषी अधिकारी यांचे हस्ते देण्यात आले.

पंचायत राज व्यवस्थेत कामकाज करतांना सर्वसामान्य जनतेला अभिप्रेत असणारे काम विनासायास पूर्णत्वास जावे व भारतीय राज्यघटनेचा आपला सखोल अभ्यास व्हावा जेणेकरून कुठलाही घटनात्मक पेचप्रसंग उभा  राहिल्यास आपणास तो सुयोग्यपणे हाताळता  यावा यासाठी प्रतिष्ठानच्या वतीने नेवासा तालुक्यातील सर्व 114 सरपंचांना भारताचे संविधान डॉ बाबासाहेब आंबेडकर जयंती निमित्त भेट देण्याचा निर्णय घेतला.

प्रशांत गडाख 

अध्यक्ष यशवंत सामाजिक प्रतिष्ठान...