जिल्ह्यात आज आत्तापर्यंतची उच्चांकी 4 हजार 594 रुग्णसंख्या समोर आली आहे. यापूर्वी 1 मे रोजी 4 हजार 219, 5 मे रोजी 4 हजार 475 व 6 मे रोजी 4 हजार 339 रुग्ण समोर आले होते. चालू महिन्यात जिल्ह्यातील कोविड संक्रमणाची गतीही चिंताजनक अवस्थेत पोहोचली असून गेल्या सातच दिवसांत जिल्ह्यात दररोज सरासरी तब्बल 3 हजार 905 रुग्ण या प्रचंग गतीने 27 हजार 335 रुग्णांची भर पडली आहे. आज शासकीय प्रयोगशाळेचे 1 हजार 9, खासगी प्रयोगशाळेचे 2 हजार 665 व रॅपीड अँटीजेनद्वारा 920 अहवालांद्वारे जिल्ह्यातील 4 हजार 594 रुग्ण समोर आले. त्यात सर्वाधीक अहमदनगर महापालिका क्षेत्रातील 732, नगर ग्रामीण 463, श्रीगोंदा 425, संगमनेर 381, राहाता 315, राहुरी 287, कोपरगाव 277, श्रीरामपूर 247, पारनेर 230, शेवगाव 212, नेवासा 207, अकोले 187, कर्जत 180, पाथर्डी 132, इतर जिल्ह्यातील 126, जामखेड 106, भिंगार लष्करी परिसर 61, लष्करी रुग्णालय 18 व अन्य राज्यातील आठ रुग्णांचा समावेश आहे.
