जिल्हाप्रमुख प्रा.शशिकांत गाड़े यांनी तरुणांना शिवसेनेत सहभागी होण्याचे केले आवाहन
प्रतिनिधी : संजय वायकर
चिचोंडी पाटील : दि .२ / नगर तालुक्यातील चिचोंडी पाटील येथे शिवसेना शाखेचा शुभारंभ जिल्हाप्रमुख प्रा.शशिकांत गाडे सर यांच्या हस्ते करण्यात आला.
याप्रसंगी मा.सभापती प्रविण कोकाटे यांनी मनोगत व्यक्त करताना सांगितले की, शिवसेनेच्या माध्यमातून सर्वसामान्य कार्यकर्त्यांना न्याय मिळतो व मिळालेल्या पदाच्या माध्यमातून सर्वसामान्य जनतेची चांगली सेवा करता येते.जिल्हा परिषद व पंचायत समिती मार्फत चिचोंडी पाटील येथे केलेल्या विविध कामांची त्याचप्रमाणे राबवलेल्या शासकीय योजनांची माहिती त्यांनी दिली.
याप्रसंगी जिल्हाप्रमुख शशिकांत गाडे सर यांनी 18 ते 20 वयोगटातील तरुणांना शिवसेनेत सहभागी होण्याचे आवाहन केले तसेच गावातील जुन्या व नवीन शिवसैनिकांनी समन्वयाने जनतेचे विकासाचे प्रश्न मार्गी लावण्यास सांगितले.चिचोंडी पाटील व शिवसेना यांचे अतूट नाते असून या गावाने कायमच शिवसेनेच्या उमेदवारांना भरघोस मताधिक्य दिल्याचे आवर्जून सांगितले.
शिवसंपर्क अभियान तालुकाभर राबवण्यात येणार असल्याची माहिती तालुकाप्रमुख राजेंद्र भगत यांनी दिली.तसेच यावेळी उपजिल्हाप्रमुख संदेश कार्ले व जिल्हा परिषद सदस्य शरद झोडगे यांनी शिवसेनेच्या माध्यमातून मिळालेल्या पदामुळे जनतेच्या मूलभूत प्रश्नांची सोडवणूक करण्यास मदत झाली असे सांगून जनतेने शिवसेनेच्या पाठीशी खंबीरपणे उभे राहण्याचे आवाहन केले.
यावेळी शिवसेना उपजिल्हाप्रमुख संदेश कार्ले,जिल्हा परिषद सदस्य शरद झोडगे,तालुका प्रमुख राजेंद्र भगत,पंचायत समिती सभापती संदीप गुंड,मा.सभापती प्रविण कोकाटे,उपतालुकाप्रमुख प्रकाश कुलट,जिवाजी लगड,अजय बोरुडे,मा.सरपंच डॉ.मारुती ससे,मा.उपसभापती दत्तात्रय हजारे, कामधेनु पतसंस्था चेअरमन डॉ.ययाती फिसके,सोसायटी चेअरमन राजेंद्र कोकाटे,व्हा.चेअरमन काशिनाथ बेल्हेकर,मा.सरपंच पांडुरंग कोकाटे,पंडित कोकाटे,आदिनाथ कोकाटे,चंद्रकांत सदाफुले,सुरेश ठोंबरे,सोसायटी संचालक भाऊसाहेब वाडेकर,अजय कांकरिया,उपसरपंच भाऊसाहेब ठोंबरे,भगवान पवार,महादेव खडके,दत्ता जाधव,बाबासाहेब शेंडकर,जयसिंग दळवी,शशिकांत आगलावे,ग्रामपंचायत सदस्य विश्वसागर कोकाटे,महादजी कोकाटे,संदीप काळे,प्रशांत कांबळे,माऊली ठोंबरे,राजूभाऊ कोकाटे,बाबासाहेब परकाळे,वनाधिकारी किसनराव आगलावे,महादेव कोकाटे,गणेश इंगळे,दत्तात्रय कोकाटे,सुधीर कोकाटे,संजय शिंदे,दादासाहेब लगड,संजय ठोंबरे,बाळासाहेब खांदवे,अनिल चव्हाण,संतोष वाडेकर,रमेश कुलथे,गोरख वाडेकर,रघुनाथ कोकाटे यांच्यासह शिवसैनिक मोठ्या संख्येने उपस्थित होते.
या कार्यक्रमाचे प्रास्ताविक डॉ.मारुती ससे यांनी केले व आभार भगवान पवार यांनी मानले.
